完整藏文原文 · 德格版页 当前仅加载第 12 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པས་སྐྲོད་དམ། སྐྲོད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ཁྲོས་ནས་དགེ་སློང་སྨྱོན་པ་སྐྲོད་དམ། སྐྲོད་དུ་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་
D7.012.0087a01.01ཐག་པ་དང་། གླེན་པ་དང་། འོན་པ་དང་། གཉིད་ལོག་པ་དང་། ཕྱག་ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་ལ་སྐྲོད་དམ། སྐྲོད་དུ་སྩལ་བར་བགྱིད་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། མཚན་དང་བཞི་ཚན་ཉིད་དང་ནི། དེ་བཞིན་བདུན་ཚན་ཉིད་དང་ནི། ཁྱིམ་པ་
D7.012.0087a02.01དག་ལ་སོགས་པ་དང་། དགེ་འདུན་གྱི་ནི་ཐ་མ་ཡིན། །བཙུན་པ་རེ་ཞིག་དགེ་སློང་ཁྲོས་ཏེ་དགེ་འདུན་གྱི་གཙུག་ལག་ཁང་ནས་དགེ་སློང་སྐྲོད་དམ། སྐྲོད་དུ་སྩོལ་བར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མ་ཁྲོས་ནས་དབྱར་ཁང་ནས་དགེ་སློང་མ་སྐྲོད་
D7.012.0087a03.01དམ། སྐྲོད་དུ་སྩོལ་བར་བགྱིད་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཁྲོས་ཏེ་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་པས་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་པ་ལ་བསྙེན་པར་
D7.012.0087a04.01མ་རྫོགས་པར་འདུ་ཤེས་པས་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་པས་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་སྐྲོད་
D7.012.0087a05.01དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསྙེན་པར་མ་རྫོགས་པ་ཁྲོས་ཏེ་དགེ་སློང་བསྐྲད་པར་སྦྱོར་བ་བགྱིས་ལ་བསྙེན་པར་མ་རྫོགས་པར་བསྐྲད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ཀར་བསྐྲད་ན་ཅིར་
D7.012.0087a06.01འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ནས་བསྐྲད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ཀར་བསྐྲད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་
D7.012.0087a07.01