完整藏文原文 · 德格版页 当前仅加载第 12 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
འཚལ་བཞིན་དུ་ཕོ་ཉ་ལས་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་
D7.012.0070a01.01སྨྱོན་པ་རྣམས་ཀྱི་རྩོད་པ་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ཐག་པ་རྣམས་དང་། གླེན་པ་རྣམས་དང་། འོན་པ་རྣམས་དང་། འགྲོ་བ་གཞན་
D7.012.0070a02.01དུ་གནས་པའི་རབ་ཏུ་བྱུང་བ་རྣམས་ཀྱི་རྩོད་པ་ཆོས་བཞིན་དུ་སྦྱངས་པ་ལ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་རྣམས་ཀྱི་རྩོད་པ་དགེ་འདུན་མཐུན་པས་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་
D7.012.0070a03.01ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་རྣམས་དང་། དགེ་ཚུལ་མ་རྣམས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློང་མས་དགེ་སློང་མ་རྣམས་ཀྱི་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ལྟུང་
D7.012.0070a04.01བྱེད་དོ། །དགེ་སློང་རྣམས་དང་། དགེ་ཚུལ་རྣམས་དང་། དགེ་སློབ་མ་རྣམས་དང་། དགེ་ཚུལ་མ་རྣམས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསླབ་པ་སྩལ་བས་གང་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་
D7.012.0070a05.01འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ།། །།སྡོམ་ལ། ཕོ་ཉ་ཡི་གེ་ལག་
D7.012.0070a06.01བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པ་དང་། །གཉིད་ལོག་ར་རོ་རབ་མྱོས་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་
D7.012.0070a07.01