完整藏文原文 · 德格版页 当前仅加载第 12 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དེ་བཞིན་དུ་འགྲོ་བ་གཞན་དུ་གནས་པ་ལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དགེ་སློང་མས་དགེ་སློང་དང་། དགེ་ཚུལ་དང་། གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་དང་། འགྲོ་བ་གཞན་དུ་གནས་པ་རྣམས་ལ་
D7.012.0034b01.01འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །ཁྱིམ་པ་དང་། ཁྱིམ་པ་མོ་ལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ཉེས་བྱས་སོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ། སྔ་མ་བཞིན་ནོ། །
D7.012.0034b02.01དེ་བཞིན་དུ་འཚེད་པ་དང་། འཆག་པ་ལ་ཡང་རྒྱས་པར་བརྗོད་པར་བྱའོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་མ་དང་ནི་སེམས་འཁྲུགས་དང་། །ཚོར་བ་འོན་མ་གླེན་མ་དང་། །གཉིད་ལོག་ར་རོ་རབ་མྱོས་དང་། །
D7.012.0034b03.01སྙོམས་འཇུག་དེ་བཞིན་འགྲོ་བ་དང་། ཁས་ལེན་འདོད་པ་ལ་སོགས་པ། །བསླབ་པ་བྱིན་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལས་ཆོས་གོས་ལེན་ན་
D7.012.0034b04.01བརྗེས་པ་མ་གཏོགས་ཏེ་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ཕོ་ཉ་ལས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་ཡི་
D7.012.0034b05.01གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པས་ཉེ་དུ་མ་ལགས་པའི་དགེ་སློང་མ་དེ་ལ་ཆོས་གོས་ལེན་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་སྨྱོན་མ་ལ་གོས་སློང་ན་ཅིར་འགྱུར་ལགས། ཉེས་
D7.012.0034b06.01བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། གླེན་མ་དང་། འོན་མ་དང་། གཉིད་ལོག་པ་དང་། ཕྱག་ལས་ཁམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་
D7.012.0034b07.01