完整藏文原文 · 德格版页 当前仅加载第 12 函德格 7a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད་དེ་གནས་གང་དུ་བཞག་པར་གྱུར་པའི་གནས་དེ་ཉིད་དུ་གནས་ཏེ་བརྐུས་ནའོ། །བཙུན་པ་རེ་ཞིག་དགེ་སློང་གིས་རྙེད་པ་མི་དབང་བར་འདི་བདག་དབང་ངོ་ཞེས་དེ་སྐད་སྨྲས་ན་ཅིར་འགྱུར་ལགས། དེས་ཤེས་བཞིན་དུ་{བརྫུན་,རྫུན་}སྨྲས་པས་ལྟུང་བྱེད་དོ། །གལ་ཏེ་བརྐུ་སེམས་ཉེ་བར་གནས་
D7.012.0007a01.01པར་གྱུར་ན་ཉེས་པ་སྦོམ་པོར་འགྱུར་བའི་ཉེས་བྱས་སུ་འགྱུར་ཏེ་གྲུབ་ནས་ནི་རིན་ཐང་བརྩི་བར་བྱའོ། །བཙུན་པ་དགེ་སློང་གཅིག་པུ་ཞིག་ཁང་པར་ཞུགས་པ་ལ་མ་སྩལ་བར་ལེན་པའི་རྐྱེན་གྱིས་མཐར་འགྱུར་བ་ལྟ་མཆིས་ལགས་སམ། གལ་ཏེ་བརྐུ་བར་སྦྱོར་བ་བྱས་ནས་ཞུགས་སམ། ཞུགས་ནས་སྦྱོར་བ་
D7.012.0007a02.01བྱེད་ནའོ། །བཙུན་པ་དགེ་སློང་གིས་ཡོ་བྱད་ཆེན་པོ་ཞིག་མ་སྩལ་བར་བླངས་ཀྱང་མཐར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། དང་པོ་མི་མཐུན་པ་དང་། མ་ནིང་དང་དགེ་སློང་མ་སུན་ཕྱུང་བ་ལ་ནི་ཉེས་བྱས་སུ་འགྱུར་རོ། །
D7.012.0007a03.01ཇི་ལྟར་དགེ་སློང་ལ་མ་བྱིན་པར་བླངས་པའི་རྐྱེན་གྱིས་མཐར་འགྱུར་བ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་མཐར་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ཉེས་བྱས་སོ།། །།སྡོམ་ལ། དུད་འགྲོ་གསུམ་དང་ལས་
D7.012.0007a04.01སྲིད་དང་། །སྲེད་པ་མ་ལ་བཞི་ཚན་དང་། །མངལ་གཉིས་དང་ནི་གསོ་བ་དང་། །འདུ་ཤེས་ལ་ནི་བཞི་ཚན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་མི་འམ། མིར་ཆགས་པ་ལ་བསམས་
D7.012.0007a05.01བཞིན་དུ་རང་གི་ལག་དར་ཏེ་སྲོག་བཅད་དམ། དེ་ལ་མཚོན་འདེབས་སམ། དེ་ལ་མཚོན་ཐོགས་པ་གཉེར་ཏམ། དེ་འཆིར་བཅུག་གམ། དེ་ལ་འཆི་བའི་བསྔགས་པ་བརྗོད་ཀྱང་རུང་སྟེ། དེ་ལ་འདི་སྐད་ཅེས་ཀྱེ་མི་ཁྱོད་འཚོ་བའི་སྡིག་པ་མི་གཙང་བ་ངན་པ་འདིས་ཅི་ཞིག་བྱ།
D7.012.0007a06.01ཀྱེ་མི་ཁྱོད་གསོན་པ་བས་ཤི་བླའོ་ཞེས་ཟེར་ཞིང་དེ་ལྟར་སེམས་ཀྱི་འདོད་པ་དང་། སེམས་ཀྱི་ཀུན་ཏུ་རྟོག་པ་དག་གིས་རྣམ་གྲངས་དུ་མས་དེ་འཆིར་བཅུག་གམ། དེ་ལ་འཆི་བའི་བསྔགས་པ་བརྗོད་དེ། དེ་ཡང་རྩོམ་པ་དེ་ལྟ་བུས་དུས་བྱས་ན་དགེ་སློང་དེ་ཡང་ཕམ་པར་གྱུར་པ་ཡིན་གྱིས། གནས་
D7.012.0007a07.01