完整藏文原文 · 德格版页 当前仅加载第 12 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ཡོད་དེ། ཆོས་གོས་སྦྱིན་པའི་དུས་ཀྱི་ནང་རོལ་དུ་དུས་བྱས་ནའོ། །བཙུན་པ་རེ་ཞིག་དགེ་སློང་གིས་བརྟད་པ་ལས་བྱུང་བའི་ཆོས་གོས་ཤིག་ཆོས་གོས་སྩལ་བའི་དུས་ཀྱི་བར་ལས་འདའ་བར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །
D7.012.0059b01.01བཙུན་པ་རེ་ཞིག་དགེ་སློང་མ་བརྟད་པ་ལས་བྱུང་བའི་ཆོས་གོས་ཤིག་ཆོས་གོས་སྩལ་བའི་དུས་ཀྱི་བར་ལས་འདའ་བར་བགྱིད་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་བརྟད་པ་ལས་བྱུང་བའི་ཆོས་གོས་ཐུན་མོང་བ་ཞིག་
D7.012.0059b02.01ཆོས་གོས་སྩལ་བའི་དུས་ལས་འདས་པར་བཞག་ན་ཅིར་འགྱུར་ལགས། ཉེས་བྱས་སོ། །བཙུན་པ་དགེ་སློང་གིས་བརྟད་པ་ལས་བྱུང་བའི་ཆོས་གོས་སྩལ་བའི་དུས་ཀྱི་བར་ལས་འདས་པར་བཞག་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ།
D7.012.0059b03.01འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། རྒྱུ་རུང་བར་གྱུར་ལ། སྤུན་མི་རུང་བ་དང་། གཉི་ག་མི་རུང་བར་གྱུར་ནའོ། །མི་རུང་བ་ནི་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། མ་བཏགས་པ་སྟེ། དེ་
D7.012.0059b04.01ལྟ་བུའི་ཆོས་གོས་ཤིག་ཆོས་གོས་སྦྱིན་པའི་དུས་ལས་འདས་པར་བཞག་ན་ཉེས་བྱས་སུ་འགྱུར་རོ། །བཙུན་པ་རེ་ཞིག་དགེ་སློང་གིས་ཆོས་གོས་སྩལ་བའི་དུས་ལས་འདས་པ་ལ་འདས་པར་འདུ་ཤེས་པས་ཆོས་གོས་བཞག་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །
D7.012.0059b05.01འདས་པ་ལ་མ་འདས་པར་འདུ་ཤེས་པས་བཞག་ན་ཅིར་འགྱུར་ལགས། ལྟུང་བ་མེད་དོ། །མ་འདས་པ་ལ་འདས་པར་འདུ་ཤེས་པས་བཞག་ན་ཅིར་འགྱུར་ལགས། ཉེས་བྱས་སོ། །མ་འདས་པ་ལ་མ་འདས་པར་འདུ་ཤེས་པས་བཞག་ན་ཅིར་འགྱུར་ལགས། ལྟུང་བ་
D7.012.0059b06.01མེད་དོ། །བཙུན་པ་དགག་དབྱེ་མ་བགྱིས་པར་རྒྱལ་པོས་ཤོལ་བོར་ན་དགེ་སློང་གིས་བརྟད་པའི་ཆོས་གོས་ཇི་ལྟར་བསྒྲུབ་པར་བགྱི། ཉེ་བ་འཁོར་ཇི་ལྟར་གནས་པར་དམ་བཅས་པ་བཞིན་ནོ། །བརྟད་པ་ལས་བྱུང་བའི་ཆོས་གོས་དགུང་བཅུ་འདས་པ་ཞེས་བགྱིའམ། དགུང་
D7.012.0059b07.01