完整藏文原文 · 德格版页 当前仅加载第 12 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དྲལ་ཅིང་གྱུར་པའི་སེམས་ཀྱིས་བུད་མེད་ཀྱི་ཡུལ་གྱི་མདུན་དུ་སུ་བསྙེན་བཀུར་རྣམས་ཀྱི་ནང་ན་ནི་འདི་ལྟ་སྟེ། ང་ལྟ་བུའི་དགེ་སློང་ཚུལ་ཁྲིམས་དང་ལྡན་པ། དགེ་བའི་ཆོས་ཅན་ཚངས་པར་སྤྱོད་པ་ལ་
D7.012.0016b01.01འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱེད་པ་འདི་ནི་མཆོག་ཡིན་ནོ་ཞེས་བདག་ཉིད་ཀྱི་བསྙེན་བཀུར་བསྔགས་པ་བརྗོད་ན། དགེ་འདུན་ལྷག་མའོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་ཇི་ལྟར་གནས་ངན་ལེན་སྨྲས་པ་ལས་བཤད་པ་དེ་བཞིན་
D7.012.0016b02.01དུ་བསྙེན་བཀུར་བསྔགས་པ་ཡང་བརྗོད་པར་བྱའོ། །ཁྱད་པར་ནི་འདི་ཡིན་ཏེ། དགེ་སློང་མས་བསྙེན་བཀུར་བསྔགས་པ་ལ་ནི་ཉེས་བྱས་སུ་བརྗོད་དོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ཉེས་བྱས་སོ།། །།སྡོམ་ལ། ཆོས་གཉིས་དང་ནི་བཞི་ཚན་དྲུག །དབང་
D7.012.0016b03.01བ་དང་ནི་ཉོ་བ་གཉིས། །སྤོ་བ་དང་ནི་བཞི་ཚན་གཉིས། །བརྒྱད་པ་དག་ནི་ཐ་མ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་ཆོས་གང་འདས་པ་ཡང་མ་ལགས། མ་འོངས་པ་ཡང་མ་ལགས། ད་ལྟར་བྱུང་བ་ཡང་མ་ལགས། འགྲོ་
D7.012.0016b04.01བ་དང་ཕྱིར་འོང་བ་ཡང་མ་མཆིས་ལ། ལས་ཀྱི་མཐའི་མཇུག་གི་མཐར་ཕྱིན་པའི་ཆོས་དེ་གང་ལགས། ཉེ་བ་འཁོར་མྱ་ངན་ལས་འདས་པའོ། །བཙུན་པ་ཆོས་གང་དང་འགྲོ་བ་དང་། ཕྱིར་འོང་བ་མཆིས་ལ། ལས་ཀྱི་མཐའ་མཇུག་གི་མཐར་ཕྱིན་པའི་ཆོས་དེ་གང་ལགས། ཉེ་བ་
D7.012.0016b05.01འཁོར་སྨྱན་བྱེད་པའོ། །དེ་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བུད་མེད་ལ་སྐྱེས་པའི་ཚིག་ཀྱང་རུང་། སྐྱེས་པ་ལ་བུད་མེད་ཀྱི་ཚིག་གིས་ཀྱང་རུང་། ཆུང་མ་ཉིད་དམ། མཛའ་ན་མོ་ཉིད་དུ་
D7.012.0016b06.01སྨྱན་བྱེད་ན་ཐ་ན་དེའི་སྐད་ཅིག་ལ་ཡང་རུང་སྟེ། དགེ་འདུན་ལྷག་མའོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་སྨྱོན་པ་ལས་ཕྲིན་བླངས་ནས་སྨྱོན་པ་ལ་སྐྱེལ་ཅིང་། སྨྱོན་པ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་
D7.012.0016b07.01