完整藏文原文 · 德格版页 当前仅加载第 12 函德格 60b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དགེ་སློང་དགུང་དྲུག་ལས་ཆོས་གོས་དེ་དང་མཚམས་ཀྱི་སླད་རོལ་དུ་འབྲལ་བར་བགྱིད་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། རྒྱུ་རུང་བར་གྱུར་ལ། སྤུན་མི་
D7.012.0060b01.01རུང་བ་དང་། གཉི་ག་མི་རུང་བར་གྱུར་ནའོ། །མི་རུང་བ་ནི་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། མ་བཏགས་པ་སྟེ། དེ་ལྟ་བུའི་ཆོས་གོས་དང་ཞག་དྲུག་འདས་པར་མཚམས་ཀྱི་ཕྱི་རོལ་དུ་འབྲལ་བར་བྱེད་ན་
D7.012.0060b02.01ཉེས་བྱས་སུ་འགྱུར་རོ། །བཙུན་པ་རེ་ཞིག་དགུང་དྲུག་འདས་པ་ལས་འདས་པར་འདུ་ཤེས་པས་ཆོས་གོས་དང་མཚམས་ཀྱི་སླད་རོལ་དུ་འབྲལ་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །འདས་པ་ལ་མ་འདས་པར་འདུ་ཤེས་པས་འབྲལ་བར་
D7.012.0060b03.01བགྱིད་ན་ཅིར་འགྱུར་ལགས། ལྟུང་བ་མེད་དོ། །མ་འདས་པ་ལ་འདས་པར་འདུ་ཤེས་པས་འབྲལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །མ་འདས་པ་ལ་མ་འདས་པར་འདུ་ཤེས་པས་འབྲལ་བར་བགྱིད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་
D7.012.0060b04.01དགེ་སློང་དགུང་དྲུག་ལས་འདས་པར་ཆོས་གོས་དེ་དང་མཚམས་ཀྱི་སླད་རོལ་དུ་འབྲལ་བར་བགྱིད་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་དེ་འོང་ན་བར་ཆད་བརྒྱད་ལས་བར་ཆད་གང་ཡང་རུང་བ་ཞིག་ཉེ་བར་གནས་པར་གྱུར་ནའོ། །
D7.012.0060b05.01བཙུན་པ་དགེ་སློང་དགུང་དྲུག་ལས་འདས་པར་ཆོས་གོས་དེ་དང་མཚམས་ཀྱི་སླད་རོལ་དུ་འབྲལ་བར་བགྱིད་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་དེས་ཆོས་གོས་དང་མི་འབྲལ་བའི་སྡོམ་པ་ཐོབ་པར་གྱུར་ནའོ། བཙུན་
D7.012.0060b06.01པ་རེ་ཞིག་དགེ་སློང་གིས་དགེ་འདུན་གྱི་ཆོས་གོས་ཤིག་བྱིན་གྱིས་བརླབས་ཏེ་བཞག་ནས་དགུང་དྲུག་ལས་འདས་པར་ཆོས་གོས་དེ་དང་མཚམས་ཀྱི་སླད་རོལ་དུ་འབྲལ་བར་བགྱིད་ན་བྲལ་ཞེས་བགྱི་འམ་མ་བྲལ་བ་ཞེས་བགྱི། ཉེ་བ་འཁོར་བྲལ་བ་ཞེས་བྱའོ། །ཆོས་གོས་དེ་སྤང་
D7.012.0060b07.01