完整藏文原文 · 德格版页 当前仅加载第 12 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
ཉེས་བྱས་སོ། །བསྙེན་པར་རྫོགས་ཀར་དགུམ་པར་སྦྱོར་བ་བགྱིས་ལ། བསྙེན་པར་རྫོགས་ཏེ་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཏེ་དགུམ་པར་སྦྱོར་བ་བགྱིས་ལ། བསྙེན་པར་རྫོགས་ཏེ་བཀུམ་ན་ཅིར་འགྱུར་
D7.012.0009a01.01ལགས། མཐར་འགྱུར་རོ། །བསྙེན་པར་རྫོགས་ཏེ་དགུམ་པར་སྦྱོར་བ་བགྱིས་ལ། བསྙེན་པར་མ་རྫོགས་པར་བཀུམ་ན་ཅིར་འགྱུར་ལགས། ཉེས་བྱས་སོ། །བཙུན་པ་དགེ་སློང་གཅིག་པུ་ཁང་པའི་ནང་དུ་ཞུགས་པ་ལ་སྲོག་དང་ཕྲལ་བའི་རྐྱེན་གྱིས་མཐར་འགྱུར་བ་ལྟ་མཆིས་ལགས་སམ།
D7.012.0009a02.01ཡོད་དེ་ཉེ་བ་འཁོར་འདི་ལྟར་དགེ་སློང་གིས་གསད་པར་སྦྱོར་བ་བྱས་ལ་ཁང་པའི་ནང་དུ་ཞུགས་སམ། ཁང་པའི་ནང་དུ་ཞུགས་ནས་གསད་པར་སྦྱོར་བ་བྱེད་ནའོ། །བཙུན་པ་དགེ་སློང་གིས་མི་ལ་མི་ལགས་པར་འདུ་ཤེས་ཏེ་བཀུམ་སེམས་ཀྱིས་སྲོག་དང་ཕྲལ་ཡང་མཐར་མི་འགྱུར་བ་ལྟ་
D7.012.0009a03.01མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། དང་པོ་མི་མཐུན་པ་དང་། མ་ནིང་དང་། དགེ་སློང་མ་སུན་ཕྱུང་བ་ལ་ནི་ཉེས་བྱས་སུ་འགྱུར་རོ། །ཇི་ལྟར་དགེ་སློང་ལ་སྲོག་དང་ཕྲལ་བའི་རྐྱེན་གྱིས་མཐར་འགྱུར་བ་དེ་བཞིན་དུ་བསླབ་པ་བྱིན་པ་དང་།
D7.012.0009a04.01དགེ་སློང་མ་ལ་ཡང་མཐར་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ཉེས་བྱས་སོ།། །།སྡོམ་ལ། སངས་རྒྱས་སྟོན་པ་རྣམ་པར་གཟིགས། །མི་སློབ་སློབ་དང་ཅི་ཡང་དང་། །ཉམས་དང་གྲོལ་དང་འཇིགས་པ་དང་། །སྐྱེ་དང་ཐོབ་
D7.012.0009a05.01དང་འདྲ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་མངོན་པར་མི་ཤེས་ཤིང་ཡོངས་སུ་མི་ཤེས་པར་མིའི་ཆོས་བླ་མ་མཐའ་དང་། འཕགས་པ་དང་། ཁྱད་པར་ཐོབ་པ་དང་། ཤེས་པ་དང་། མཐོང་བ་དང་།
D7.012.0009a06.01རེག་པར་གནས་པ་མེད་ཅིང་མི་བདོག་བཞིན་དུ་འདི་ཤེས་སོ། །འདི་མཐོང་ངོ་ཞེས་དེ་ལྟ་བུར་ཁས་འཆེས་པ་ལས་དེ་ལྟུང་བ་བྱུང་བ་རྣམ་པར་དག་པར་འདོད་ནས། དུས་གཞན་ཞིག་ན་དྲིས་ཀྱང་རུང་མ་དྲིས་ཀྱང་རུང་འདི་སྐད་ཅེས་ཚེ་དང་ལྡན་པ་དག་བདག་གིས་ནི་མི་ཤེས་པར་ཤེས་སོ་
D7.012.0009a07.01