完整藏文原文 · 德格版页 当前仅加载第 12 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
རེ་ཞིག་དགེ་སློང་འགྲོ་བ་གཞན་པའི་བུད་མེད་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་ལུས་ཀྱིས་རེག་པར་བགྱིད་ཀྱང་། དགེ་འདུན་ལྷག་མར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་
D7.012.0014b01.01དང་། རྐུ་ཐབས་སུ་གནས་པ་དང་། དང་པོ་མི་མཐུན་པ་ཅན་དང་། མ་ནིང་དང་། དགེ་སློང་མ་སུན་ཕྱུང་བ་ལ་ནི་ཉེས་བྱས་སོ། །ཇི་ལྟར་དགེ་སློང་གིས་ལུས་ཀྱིས་ཀུན་ཏུ་རེག་པར་བྱས་པ་ལས་དགེ་འདུན་ལྷག་མར་གྱུར་པ་དེ་བཞིན་དུ་བསླབ་པ་བྱིན་པ་ལ་ཡང་དགེ་འདུན་གྱི་ལྷག་མར་འགྱུར་རོ། །དགེ་སློང་
D7.012.0014b02.01མ་སྐྱེས་པ་དང་ལྷན་ཅིག་ལུས་ཀྱིས་ཀུན་དུ་རེག་པར་བྱེད་པ་ལ་ནི་ཕམ་པར་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ཉེས་བྱས་སུ་འགྱུར་རོ།། །།སྡོམ་ལ། སྐད་དང་ལུས་དང་དབེན་སྔགས་དང་། །གཞན་ལས་གཞན་ཕྱིར་སྤྲུལ་པ་དང་། །ཕོ་ཉ་ཡི་གེ་ལག་བརྡ་
D7.012.0014b03.01དང་། །གཞན་ལ་སྙད་འདོགས་བརྒྱུད་པ་དང་། །བགོ་བཤའ་མ་ནིང་སྐྱེས་པ་དང་། །མ་ནིང་མོ་མཛེས་སྡིག་ཅན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དྲལ་ཅིང་གྱུར་པའི་སེམས་ཀྱིས་བུད་
D7.012.0014b04.01མེད་ཀྱི་ཡུལ་ལ་གནས་ངན་ལེན་གྱི་ཚིག་སྡིག་པ་ཅན་ཚོགས་པར་མི་དབྱུང་བ་འཁྲིག་པ་དང་ལྡན་པ་ཇི་ལྟར་སྐྱེས་བུས་ན་ཆུང་ལ་བྱ་བ་བཞིན་དུ་ཡང་སྨྲས་ན་དགེ་འདུན་ལྷག་མའོ་ཞེས་གསུངས་པ་གང་ལགས་པ། བཙུན་པ་རེ་ཞིག་དབུས་པའི་དགེ་སློང་ཞིག་གིས་དབུས་པའི་བུད་མེད་ལ་མཐའ་
D7.012.0014b05.01འཁོབ་པའི་སྐད་དུ་གནས་ངན་ལེན་གྱི་ཚིག་སྨྲས་ལ། དབུས་པའི་བུད་མེད་ཀྱིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མཐའ་འཁོབ་པ་ཞིག་མཐའ་འཁོབ་པའི་བུད་མེད་ལ་དབུས་པའི་སྐད་ཀྱིས་གནས་ངན་ལེན་གྱི་ཚིག་སྨྲས་ལ།
D7.012.0014b06.01མཐའ་འཁོབ་པའི་བུད་མེད་ཀྱིས་ཀྱང་ཡུལ་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མཐའ་འཁོབ་པ་ཞིག་གིས་དབུས་པའི་བུད་མེད་ལ་མཐའ་འཁོབ་པའི་སྐད་དུ་གནས་ངན་ལེན་གྱི་ཚིག་སྨྲས་ལ། དབུས་པའི་བུད་མེད་ཀྱིས་ཀྱང་མཐའ་འཁོབ་
D7.012.0014b07.01