完整藏文原文 · 德格版页 当前仅加载第 12 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
ཉེས་བྱས་སོ། །བཙུན་པ་རེ་ཞིག་དགེ་སློང་གིས་ལྷུང་བཟེད་སོ་མ་བཏང་བ་ལྷག་པར་བཅངས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ལྷུང་བཟེད་སྐྱ་བོ་ཞིག་བཅངས་ན་ཅིར་འགྱུར་ལགས། ཉེས་བྱས་སོ། །བཙུན་པ་དགེ་སློང་གིས་
D7.012.0053a01.01ལྷུང་བཟེད་རྙེད་མ་ཐག་ཏུ་སེམས་འཁྲུགས་པར་གྱུར་ན། གང་ནས་བཟུང་སྟེ་དགུང་བཅུར་བགྲང་བར་བགྱི། གང་ནས་རང་གི་སེམས་སོར་ཆུད་པ་ནས་སོ། །བཙུན་པ་དགེ་སློང་གིས་ལྷུང་བཟེད་ལྷག་པ་དགུང་བཅུ་ལས་འདས་པར་བཅངས་ཀྱང་སྤང་བའི་ལྟུང་བྱེད་དུ་མི་འགྱུར་བ་མཆིས་
D7.012.0053a02.01ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་གིས་ལྷུང་བཟེད་རྙེད་ནས་ཞག་བཅུ་ལོན་པ་དང་མཚན་གྱུར་ཏེ་དགེ་སློང་མར་རེད་ནས་འཆང་ནའོ། །བཙུན་པ་དགེ་སློང་མས་ལྷུང་བཟེད་ལྷག་པ་དགུང་གཅིག་ལས་ལྷག་པར་བཅངས་ཀྱང་ལྟུང་བར་མི་འགྱུར་བ་ལྟ་མཆིས་ལགས་
D7.012.0053a03.01སམ། ཉེ་བ་འཁོར་ཡོད་དེ། འདི་ལྟར་དགེ་སློང་མས་ལྷུང་བཟེད་རྙེད་མ་ཐག་ཏུ་མཚན་གྱུར་ཏེ་དགེ་སློང་དུ་རེད་ནས་འཆང་ནའོ། །བཙུན་པ་དགེ་སློང་གིས་ཡུན་ཤིན་ཏུ་རིང་མོ་ཞིག་ཏུ་ལྷུང་བཟེད་ལྷག་པ་བཅངས་ན་འདི་ལ་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ།
D7.012.0053a04.01འདི་ལྟར་དགེ་སློང་གིས་དགེ་སློང་ཞིག་ལ་ལྷུང་བཟེད་ཀྱི་ཕྱིར་དགེ་སློང་མང་ལགས་ན། དེས་ལྷུང་བཟེད་དེ་བླངས་ཏེ་ཡུན་ཤིན་ཏུ་རིང་མོ་ཞིག་ཏུ་བཅངས་ཀྱང་ལྟུང་བ་མེད་དོ། །བཙུན་པ་དགེ་སློང་ལ་ལྷུང་བཟེད་གཅིག་ཅིག་བདོག་ཅིང་མཆིས་ལ་དེ་ཉིད་ཀྱང་སྤང་བར་འགྱུར་བ་ལྟ་
D7.012.0053a05.01མཆིས་ལགས་སམ། ཉེ་བ་འཁོར་ཡོད་དེ། བྱིན་གྱིས་མ་བརླབས་པར་བཅངས་ནའོ། །བཙུན་པ་དགེ་སློང་གིས་ནམ་འཚོའི་བར་དུ་ལྷུང་བཟེད་ལྷག་པ་བཅངས་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་དེ་ཞག་བཅུ་ཚུན་ཆད་
D7.012.0053a06.01དུ་དུས་ལས་འདས་ནའོ། །བཙུན་པ་རེ་ཞིག་བསླབ་པ་སྩལ་བ་ལྷུང་བཟེད་ལྷག་པ་དགུང་བཅུ་ལས་འདས་པར་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་ནི་ལྷུང་བཟེད་ལྷག་པ་ཞག་གཅིག་ལས་འདས་པར་འཆང་ན་སྤང་བའི་ལྟུང་བྱེད་དུ་འགྱུར་རོ། །
D7.012.0053a07.01