完整藏文原文 · 德格版页 当前仅加载第 12 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་དུ་གནས་པ་དང་། ཐ་དད་དུ་གནས་པ་དང་། ཁས་ལེན་པ་དང་། མ་ནིང་མོ་དང་། དགེ་སློང་མ་སུན་ཕྱུང་བ་ནས། རྒྱས་པར་དང་པོ་མི་མཐུན་པ་ཅན་གྱི་བར་ལ་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས།
D7.012.0035a01.01ཉེས་བྱས་ཁོ་ནའོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་དགེ་འདུན་གྱི་དབྱེན་བགྱིད་པ་དང་། དགེ་སློང་མ་ཉེ་དུ་མ་ལགས་པ་དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། བསླབ་པ་སྩལ་བ་ལ་ཆོས་གོས་སློང་ན་ཅིར་འགྱུར་ལགས། ཉེས་
D7.012.0035a02.01བྱས་སོ། །ཆོས་གོས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ།། །།སྡོམ་ལ། མི་རུང་བ་དང་བཞི་ཚན་ནི། །གཉིས་དང་དེ་བཞིན་མཚན་དང་ནི། །དགེ་སློང་དང་ནི་དགེ་སློང་མ། །ཚོགས་སུ་ཡང་དག་བཤད་པ་ཡིན། །བཙུན་པ་རེ་ཞིག་དགེ་སློང་གིས་དགེ་སློང་
D7.012.0035a03.01མ་ཉེ་དུ་མ་ལགས་པ་ལས་ཆོས་གོས་བླངས་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། སྤུན་མི་རུང་བར་གྱུར་ལ། རྒྱུ་རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་
D7.012.0035a04.01རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། མ་བཏགས་པའོ། །དེ་ལྟ་བུའི་ཆོས་གོས་ཤིག་བླངས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་
D7.012.0035a05.01བ་མེད་དོ། །དགེ་སློང་མ་ཉེ་དུ་མ་ལགས་པ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །དགེ་སློང་མ་ཉེ་དུ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་ཉེ་དུ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་
D7.012.0035a06.01དགེ་སློང་གིས་དགེ་སློང་མ་ཉེ་དུ་མ་ལགས་པ་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་པས་ཆོས་གོས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། ཉེ་དུ་མ་ལགས་པ་བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས།
D7.012.0035a07.01