完整藏文原文 · 德格版页 当前仅加载第 12 函德格 29b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་གོས་ཀྱི་སྤུན་རུང་བར་གྱུར་ལ། རྒྱུ་མི་རུང་བར་གྱུར་པ་དང་། རྒྱུ་རུང་བར་གྱུར་ལ། སྤུན་མི་རུང་བར་གྱུར་པ་དང་། གཉི་ག་མི་རུང་བར་གྱུར་ཏེ། མི་རུང་བ་ནི་རྔ་བལ་དང་། བ་ལང་གི་སྤུ་དང་། ར་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་
D7.012.0029b01.01སྟེ། དེ་ལྟ་བུའི་ཆོས་གོས་ཅན་ནི་ཞག་བཅུ་ལས་ལྷག་པར་བཅངས་ན་ཉེས་བྱས་སུ་འགྱུར་རོ། །བཙུན་པ་བཅོམ་ལྡན་འདས་ཀྱིས་དགེ་སློང་རྣམས་ཀྱིས་ཞག་བཅུའི་བར་དུ་ཆོས་གོས་ལྷག་པ་བཅང་བར་བྱའོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་ནམ་འཚོའི་བར་དུ་ཆོས་
D7.012.0029b02.01གོས་ལྷག་མར་བཅངས་ཀྱང་ནོངས་པར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། ཞག་བཅུ་ཚུན་ཆད་དུ་དུས་ལས་འདས་པར་གྱུར་ནའོ། །བཙུན་པ་ཆོས་གོས་དེ་ཉིད་བཅངས་ན་ལྟུང་བར་ཡང་མི་འགྱུར་ལ། ཆོས་གོས་དེ་ཉིད་བཅངས་ན་ལྟུང་བར་ཡང་འགྱུར་བ་ལྟ་མཆིས་
D7.012.0029b03.01ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་དེ་ཆོས་གོས་རིན་ཆེན་པོ་འཆང་ན་ལྟུང་བ་མེད་ལ། མཚན་གྱུར་ཏེ་དགེ་སློང་མར་རེད་དེ་འཆང་ན་ལྟུང་བར་འགྱུར་རོ། །བཙུན་པ་རེ་ཞིག་དགེ་སློང་གིས་ཆོས་གོས་རྙེད་ནས་དགུང་བཅུ་ལགས་པ་དང་། དེའི་མཚན་གྱུར་ཏེ་དགེ་སློང་མར་རེད་
D7.012.0029b04.01ནས་དགུང་བཅུ་འདས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་ཆོས་གོས་ཤིག་རྙེད་ནས་དགུང་བཅུ་ལགས་པ་དང་། མཚན་གྱུར་ཏེ་དགེ་སློང་དུ་རེད་ནས་དགུང་བཅུ་འདས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་
D7.012.0029b05.01པ་རེ་ཞིག་དགེ་སློང་གིས་དགུང་བཅུ་ལ་དགུང་བཅུར་འདུ་ཤེས་ཏེ་སྐྱ་རེངས་འཆར་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགུང་བཅུ་ལ་དགུང་བཅུ་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །དགུང་བཅུ་མ་ལགས་པ་ལ་དགུང་
D7.012.0029b06.01བཅུར་འདུ་ཤེས་ན་ཅིར་འགྱུར་ལགས། ཉེས་བྱས་སུ་འགྱུར་རོ། །དགུང་བཅུ་མ་ལགས་པ་ལ་དགུང་བཅུ་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་སྲ་བརྐྱང་བཏིང་བའི་གནས་སུ་ཆོས་གོས་ཤིག་རྙེད་ལ། ཆོས་གོས་དེ་
D7.012.0029b07.01