完整藏文原文 · 德格版页 当前仅加载第 12 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
རེ་ཞིག་དགེ་སློང་འདི་སྐད་ཅེས་བདག་ལ་ནི་ཅི་ཡང་བ་མེད་དོ་ཞེས་མཆི་ན་ཅིར་འགྱུར་ལགས། གལ་ཏེ་ཅི་ཡང་བ་སྤངས་སོ་ཞེས་ལུང་སྟོན་ན་མཐར་འགྱུར་རོ། །འོན་ཏེ་དེས་འདི་སྙམ་དུ་བདག་ལ་ནི་ལྷུང་བཟེད་དང་། ཆོས་གོས་དང་། དགེ་སྦྱོང་གི་འཚོ་བའི་ཡོ་བྱད་
D7.012.0010a01.01གང་ཡང་རུང་བ་ཞིག་མེད་དོ་སྙམ་དུ་བསམས་ནས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་བདག་ཉིད་ནི་ཉམས་པའོ་ཞེས་མཆི་ན་ཅིར་འགྱུར་ལགས། གལ་ཏེ་འདི་སྙམ་དུ་བདག་ནི་དགེ་སྦྱོང་གི་ཚུལ་གྱི་འབྲས་བུ་དག་ལས་སོ་ཞེས་ཟེར་ན་མཐར་འགྱུར་
D7.012.0010a02.01རོ། །འོན་ཏེ་ལུང་ལས་ཉམས་པ་ལས་བསམས་ཏེ་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་འདི་སྐད་ཅེས་བདག་ནི་གྲོལ་བའོ་ཞེས་མཆི་ན་ཅིར་འགྱུར་ལགས། གལ་ཏེ་འདི་སྐད་ཅེས་བདག་ནི་ཀུན་ཏུ་སྦྱོར་བ་དང་། འཆིང་བ་དང་། བག་ལ་ཉལ་བ་དང་།
D7.012.0010a03.01ཉེ་བའི་ཉོན་མོངས་པ་དང་། ཀུན་ནས་དཀྲིས་པ་རྣམས་ལས་གྲོལ་ལོ་ཞེས་ཟེར་ན་མཐར་འགྱུར་རོ། །འོན་ཏེ་འདི་སྙམ་དུ་ཀུན་ཏུ་སྦྱོར་བ་དང་། འཆིང་བ་དང་། བག་ལ་ཉལ་བ་དང་། ཉེ་བའི་ཉོན་མོངས་པ་དང་། ཀུན་ནས་དཀྲིས་པ་གང་དག་ཟད་པ་དང་། འགག་པ་དང་།
D7.012.0010a04.01བྲལ་བ་དང་། རྣམ་པར་གྱུར་པ་དེ་དག་ལས་བདག་གྲོལ་ལོ་སྙམ་དུ་བསམས་ནས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་བདག་ལ་འཇིགས་པ་མེད་དོ་ཞེས་མཆི་ན་ཅིར་འགྱུར་ལགས། གལ་ཏེ་འཇིགས་པ་སྤངས་པར་ལུང་སྟོན་ན་མཐར་
D7.012.0010a05.01འགྱུར་རོ། །འོན་ཏེ་འཇིག་རྟེན་པ་ལས་བསམས་ནས་བདག་ནི་ཅི་ལ་ཡང་མི་འཇིགས་སོ་ཞེས་ཟེར་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་འདི་ནི་བདག་གི་སྐྱེ་བའི་ཐ་མ་ཡིན་ནོ་ཞེས་མཆི་ན་ཅིར་འགྱུར་ལགས། གལ་ཏེ་ཟད་པར་འདུ་ཤེས་པར་
D7.012.0010a06.01ལུང་སྟོན་ན་མཐར་འགྱུར་རོ། །འོན་ཏེ་གང་གི་སྐྱེ་བའི་ཐ་མ་འདི་ཡིན་པའི་སྐྱེ་བ་དེ་ནི་ཟད་པ། འགག་པ། བྲལ་བ་རྣམ་པར་གྱུར་པ་ཡིན་ནོ་སྙམ་དུ་བསམས་ནས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་བདག་གིས་ཐོབ་བོ་ཞེས་མཆི་ན་ཅིར་འགྱུར་
D7.012.0010a07.01