完整藏文原文 · 德格版页 当前仅加载第 12 函德格 89a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་རྣམས་ཀྱི་ལས་ཡོངས་སུ་སྤྱད་པར་མི་རུང་བ་གང་ཡིན་པའོ། །བཙུན་པ་རེ་ཞིག་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་
D7.012.0089a01.01འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསླབ་པ་སྩལ་བས་དགེ་
D7.012.0089a02.01འདུན་གྱི་གཙུག་ལག་ཁང་དུ་དགེ་སློང་དག་སྔ་ན་མཆིས་པར་འཚལ་བཞིན་དུ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མས་དབྱར་ཁང་དུ་དགེ་སློང་མ་དག་སྔ་ན་མཆིས་པར་འཚལ་བཞིན་དུ་
D7.012.0089a03.01ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ།། །།སྡོམ་ལ། གང་ཟག་དང་ནི་དགེ་འདུན་དང་། །
D7.012.0089a04.01དེ་བཞིན་མཚན་དང་བཞི་ཚན་དང་། །མི་རུང་བར་ཡང་བྱས་པ་དང་། །སྟེང་གཡོགས་གྱུར་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་གྱི་གཙུག་ལག་ཁང་གི་སྟེང་
D7.012.0089a05.01གི་ནམ་མཁའ་ལ་ཐོག་བོར་བར་ཁྲིའམ། ཁྲིའུ་རྩ་བ་འབྱུང་བར་ཤེས་བཞིན་དུ་ལྕིད་ཀྱིས་ཕབ་སྟེ་འདུག་གམ། ཉལ་བར་བྱེད་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་གང་ཟག་གི་གཙུག་ལག་ཁང་གི་སྟེང་གི་ནམ་མཁའ་ལ་ཐོག་བོར་བར་ཁྲིའམ།
D7.012.0089a06.01ཁྲིའུ་རྩ་བ་འབྱུང་བར་འཚལ་བཞིན་དུ་ལྕིད་ཀྱིས་ཕབ་སྟེ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་འདུན་གྱི་གཙུག་ལག་ཁང་མ་གཏོགས་པ་དེ་ལས་གཞན་པའི་གནས་དག་ཏུ་སྟེང་གི་ནམ་མཁའ་ལ་ཐོག་བོར་བར་ཁྲིའམ།
D7.012.0089a07.01