完整藏文原文 · 德格版页 当前仅加载第 12 函德格 18a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ནས་སྨྱན་བགྱི་བར་སྦྱོར་བ་བགྱིས་ལ། བསྙེན་པར་རྫོགས་ནས་སྐྱེལ་ཅིང་། བསྙེན་པར་རྫོགས་ནས་ཕྱིར་སྐྱེལ་བར་བགྱིད་ན་ཅིར་འགྱུར་ལགས། དགེ་འདུན་ལྷག་
D7.012.0018a01.01མར་འགྱུར་རོ། །བསྙེན་པར་རྫོགས་ཏེ་སྨྱན་བགྱིས་ལ་བསྙེན་པར་རྫོགས་ཏེ་སྐྱེལ་ཅིང་བསྙེན་པར་མ་རྫོགས་པར་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་བྱས་སུ་འགྱུར་རོ། །བཙུན་པ་གང་ཟག་དེ་ཉིད་སྤོ་བ་ཡང་ལགས། དེ་ཉིད་སྤོ་བ་བགྱིས་པ་ཡང་ལགས། དེ་ཉིད་མགུ་བར་
D7.012.0018a02.01བགྱི་བར་སྤྱོད་པ་ཡང་ལགས། དེ་ཉིད་མགུ་བར་བགྱིད་པ་སྤྱད་པ་ཡང་ལགས་པ་ལྟ་མཆིས་ལགས་སམ། ཡོད་དེ་འདི་ལྟར་མགུ་བར་བྱ་བ་སྤྱད་པའི་གང་ཟག་ལ་དགེ་འདུན་ལྷག་མའི་ལྟུང་བ་མ་བཅབས་པ་བྱུང་བ་དེ་དགེ་འདུན་གྱི་དྲུང་དུ་སོང་ནས་མགུ་བར་བྱ་བ་གསོལ་བ་ལས། དགེ་འདུན་
D7.012.0018a03.01གྱིས་དེ་ལ་མགུ་བར་བྱ་བ་བྱིན་ནས། དེས་མགུ་བར་བྱ་བ་ཕལ་ཆེར་སྤྱད་པ་ལས་དགེ་འདུན་ལྷག་མའི་ལྟུང་བ་གཉིས་པོ་གཅིག་ནི་ཞག་གཅིག་བཅབས། གཉིས་པ་ནི་ཞག་གཉིས་བཅབས་པ་བྱུང་ནས་དེ་དགེ་འདུན་གྱི་དྲུང་དུ་སོང་སྟེ་སྤོ་བ་གསོལ་བ་ལས་དགེ་འདུན་གྱིས་དེ་ལ་སྤོ་བ་
D7.012.0018a04.01བྱིན་ན་དེ་ལྟུང་བ་གཅིག་ནི་བྱས་པ་ཡིན་ནོ། །གཉིས་པས་ནི་སྤོ་བ་ཡིན་ནོ། །གསུམ་པས་ནི་མགུ་བར་བྱ་བ་སྤྱོད་པ་ཡིན་ནོ། །བཞི་པས་ནི་མགུ་བར་བྱ་བ་སྤྱད་པ་ཡིན་ནོ། །བཙུན་པ་རེ་ཞིག་མོ་ཡང་མི་ལགས། ཕོ་ཡང་མི་ལགས་ལ། དགེ་སློང་གིས་དེ་གཉིས་ཀྱི་སྨྱན་བགྱིས་
D7.012.0018a05.01ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །མོ་ནི་མི་མ་ལགས། ཕོ་ནི་མི་མ་ལགས་ལ། དེ་གཉིས་ཀྱི་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མོ་ནི་མི་མ་ལགས། ཕོ་ནི་མི་ལགས་ལ། དེ་གཉིས་ཀྱི་སྨྱན་བགྱིས་ན་ཅིར་
D7.012.0018a06.01འགྱུར་ལགས། ཉེས་པ་སྦོམ་པོར་འགྱུར་རོ། །མོ་ཡང་མི་མ་ལགས། ཕོ་ཡང་མི་མ་ལགས་ལ། དེ་གཉིས་ཀྱི་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་མི་དག་ལ་མིར་འདུ་ཤེས་པས་སྨྱན་བགྱིས་ན་ཅིར་འགྱུར་ལགས།
D7.012.0018a07.01