完整藏文原文 · 德格版页 当前仅加载第 12 函德格 6b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན། །བཙུན་པ་རེ་ཞིག་དགེ་སློང་གིས་མཆོད་རྟེན་དང་མཆོད་རྟེན་གྱི་གནས་ལས་རྒྱན་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་སྟོན་པའི་སྐུ་གདུང་དག་བརྐུས་ན་ཅིར་འགྱུར་ལགས། མཐར་འགྱུར་རོ། །ཇི་སྟེ་འདི་ནི་བདག་གི་སྟོན་པ་སྟེ་བདག་གིས་ཀྱང་འདི་ལ་
D7.012.0006b01.01བཀུར་སྟི་བྱའོ་སྙམ་ནས་མཆོད་པའི་ཕྱིར་བརྐུས་ན་ཉེས་བྱས་སུ་འགྱུར་རོ། །བཙུན་པ་རེ་ཞིག་དགེ་སློང་གིས་གླེགས་བམ་བརྐུས་ན་ཅིར་འགྱུར་ལགས། གླེགས་བམ་གྱི་རིན་ཐང་བརྩི་བར་བྱའོ། །བཙུན་པ་རེ་ཞིག་དགེ་སློང་གིས་ཕྱོགས་བཞིའི་དགེ་འདུན་གྱི་མ་སྩལ་བར་བརྐུས་ན་ཅིར་འགྱུར་ལགས། །ཉེས་པ་སྦོམ་
D7.012.0006b02.01པོར་འགྱུར་རོ། །བཙུན་པ་རེ་ཞིག་དགེ་སློང་གིས་གང་ཟག་མང་པོའི་མ་སྩལ་བར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །གལ་ཏེ་རྒྱུད་རེ་རེ་ལས་མ་ཤ་ཀ་ལྔ་བྱུང་ན་མཐར་འགྱུར་རོ། །བཙུན་པ་རེ་ཞིག་དགེ་སློང་གིས་ཡོངས་སུ་བརྟགས་པ་མ་སྩལ་བར་བརྐུས་ན་ཅིར་འགྱུར་ལགས།
D7.012.0006b03.01ཉེས་བྱས་སོ། །བཙུན་པ་རེ་ཞིག་དགེ་སློང་གིས་མང་པོ་ཞིག་བརྒྱུད་དེ་མ་སྩལ་བར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །གལ་ཏེ་སོ་སོར་བགོས་ན་ཇི་སྙེད་བདག་གིར་བྱས་པ་དེ་སྙེད་ཀྱི་རིན་ཐང་བརྩི་བར་བྱའོ། །བཙུན་པ་རེ་ཞིག་དགེ་སློང་གིས་གཞན་གྱིར་འདུ་ཤེས་ཏེ་མ་སྐུལ་
D7.012.0006b04.01བར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་ཡོངས་སུ་བཟུང་བ་ལ་ཡོངས་སུ་བཟུང་བར་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར་ལགས། མཐར་འགྱུར་རོ། །ཡོངས་སུ་བཟུང་བ་ལ་ཡོངས་སུ་མ་བཟུང་བར་འདུ་ཤེས་ཏེ་མ་སྩལ་བར་
D7.012.0006b05.01བརྐུས་ན་ཅིར་འགྱུར་ལགས། ལྟུང་བ་མེད་དོ། །ཡོངས་སུ་མ་བཟུང་བ་ལ་ཡོངས་སུ་བཟུང་བར་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །ཡོངས་སུ་མ་བཟུང་བ་ལ་ཡོངས་སུ་མ་བཟུང་བར་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར་ལགས།
D7.012.0006b06.01ཉེས་པ་མེད་དོ། །བཙུན་པ་བཅོམ་ལྡན་འདས་ཀྱིས་ཡོ་བྱད་ཆེན་པོ་ཞིག་གནས་ནས་བསྐྱོད་ན་མཐར་འགྱུར་རོ། །ཞེས་གསུངས་པ་གང་ལགས་པ། བཙུན་པ་དགེ་སློང་གིས་ཡོ་བྱད་ཆེན་པོ་ཞིག་གནས་ནས་བསྐྱོད་ཀྱང་། མཐར་མི་འགྱུར་བ་ལྟ་མཆིས་སམ།
D7.012.0006b07.01