完整藏文原文 · 德格版页 当前仅加载第 12 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་ཀར་སྦྱོར་བ་བགྱིས་ལ། བསྙེན་པར་རྫོགས་ཀར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་
D7.012.0034a01.01སྦྱོར་བ་བགྱིས་ལ། བསྙེན་པར་རྫོགས་ཏེ་ལགས་པར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་མ་རྫོགས་པ་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་
D7.012.0034a02.01དགེ་སློང་མ་ཉེ་དུ་མ་ལགས་པ་བསྙེན་པར་རྫོགས་པ་ལ། བསྙེན་པར་རྫོགས་པར་འདུ་ཤེས་པས་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་ཉེ་དུ་མ་ལགས་པ་བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་
D7.012.0034a03.01འགྱུར་ལགས། ཉེས་བྱས་སོ། །ཉེ་དུ་མ་ལགས་པ་བསྙེན་པར་རྫོགས་པ་ལ། བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཉེ་དུ་མ་ལགས་པ་བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །
D7.012.0034a04.01བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ། ཉེ་དུ་མ་ལགས་པར་འདུ་ཤེས་པས་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་ཉེ་དུ་མ་ལགས་པ་ལ། ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །
D7.012.0034a05.01ཉེ་དུ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །དགེ་སློང་གིས་དགེ་སློང་མ་ཉེ་དུ་ལགས་པ་ལ་ཉེ་དུ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལ་ཆོས་གོས་རྙིང་པ་འཁྲུར་
D7.012.0034a06.01འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། དགེ་སློབ་མ་དང་། དགེ་ཚུལ་མ་དང་། ཁྱིམ་པ་མོ་དང་། གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་རྣམས་ལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་
D7.012.0034a07.01