完整藏文原文 · 德格版页 当前仅加载第 12 函德格 49b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་དགེ་སློང་མ་བསྙེན་པར་རྫོགས་པར་འདུ་ཤེས་པས་ལུག་བལ་དེ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་བསྙེན་པར་རྫོགས་པ་ལ་བསྙེན་པར་མ་རྫོགས་པར་
D7.012.0049b01.01འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །དགེ་སློང་གིས་ཉེ་དུ་
D7.012.0049b02.01མ་ལགས་ལ་དགེ་སློབ་མ་དང་། དགེ་ཚུལ་དང་། ཁྱིམ་པ་མོ་དང་། གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་དང་། འགྲོ་བ་གཞན་དུ་གནས་པ་རྣམས་ལ་འཁྲུར་སྩལ་ན་ཅིར་འགྱུར་ལགས། ཉེས་བྱས་སོ། །
D7.012.0049b03.01དགེ་སློང་མས་དགེ་སློང་དང་། དགེ་ཚུལ་དང་། འདི་ལས་ཕྱི་རོལ་པ་གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་དང་། འགྲོ་བ་གཞན་དུ་གནས་པ་རྣམས་ལ་འཁྲུར་སྩལ་ན་ཅིར་འགྱུར་ལགས། ཉེས་བྱས་སོ། །ཁྱིམ་པ་
D7.012.0049b04.01དང་། ཁྱིམ་པ་མོ་ལ་འཁྲུར་སྩལ་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ། དེ་བཞིན་དུ་འཚེད་པ་དང་། རྨེལ་བ་ཡང་བརྗོད་པར་བྱའོ།། །།སྡོམ་ལ།
D7.012.0049b05.01ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་
D7.012.0049b06.01རང་གི་ལག་གིས་གསེར་དང་དངུལ་ལེན་ནམ། ལེན་དུ་འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་ཕོ་ཉ་ལས་གསེར་དང་དངུལ་ལེན་དུ་སྩལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་
D7.012.0049b07.01