完整藏文原文 · 德格版页 当前仅加载第 12 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་སོ། །བཙུན་པ་རེ་ཞིག་བསླབ་པ་སྩལ་བ་{བརྫུན་,རྫུན་}སྨྲ་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མ་{བརྫུན་,རྫུན་}སྨྲ་ན་ཅིར་འགྱུར་ལགས། ལྟུང་བྱེད་དོ། །དེ་བཞིན་དུ་དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་
D7.012.0067a01.01བྱུང་བ་ལ་སོགས་པ་ལ་ནི་ཉེས་བྱས་སོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་གཡེངས་དང་། །ཚོར་བ་འོན་པ་གླེན་པ་དང་། །གཉིད་ལོག་ར་རོ་རབ་མྱོས་དང་། །སྙོམས་ཞུགས་འགྲོ་བ་ཐ་མའོ། །སངས་
D7.012.0067a02.01རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་མིའི་སྐྱོན་ནས་སྨྲ་ན་ལྟུང་བྱེད་དོ་ཞེས་གསུངས་པ་གང་ལགས་པས་བཙུན་པ་རེ་ཞིག་དགེ་སློང་ཕོ་ཉ་ལས་དགེ་སློང་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །
D7.012.0067a03.01ཕོ་ཉ་ལས་ཇི་ལྟ་བ་དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་སྨྱོན་པ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་
D7.012.0067a04.01བཞིན་དུ་སེམས་གཡེངས་པ་དང་། ཚོར་བས་ཉམ་ཐག་པའམ། གཉིད་ཀྱིས་ལོག་པ་དང་། ཕྱག་ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་
D7.012.0067a05.01འགྲོ་བ་གཞན་དུ་གནས་པའི་རབ་ཏུ་བྱུང་བ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། སྐད་དང་ལུས་དང་དབེན་པ་དང་། །མཚན་རྣམས་དང་ནི་བཞི་ཚན་དང་། །ཁྱིམ་པ་དག་ལ་སོགས་པ་དང་། །བསླབ་པ་བྱིན་དང་དགེ་
D7.012.0067a06.01སློང་མ། །བཙུན་པ་རེ་ཞིག་དགེ་སློང་དབུས་པས་མཐའ་འཁོབ་པའི་སྐད་དུ་དབུས་པའི་སྐྱོན་ནས་སྨྲ་བར་བགྱིད་ལ་དབུས་པའི་དགེ་སློང་གིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་མཐའ་འཁོབ་
D7.012.0067a07.01