完整藏文原文 · 德格版页 当前仅加载第 12 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་པར་རེད་པ་ལས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློང་མ་ལ་ཡང་བརྗོད་དོ།། །།འདུལ་བ་གཞུང་བླ་མ། བམ་པོ་ལྔ་པ། བཙུན་པ་རེ་ཞིག་དགེ་སློང་གིས་ཟ་མ་ཉིད་དུ་མ་ལགས་པ་ལས་ཆོས་གོས་སློང་ན་ཅིར་འགྱུར་ལགས།
D7.012.0037b01.01ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་མ་ནིང་དང་། མ་ནིང་མོ་ནས། དགེ་སློང་དང་། དགེ་ཚུལ་གྱི་བར་ལ་བླངས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་
D7.012.0037b02.01རེ་ཞིག་དགེ་སློང་མས་ཁྱིམ་བདག་གམ། ཁྱིམ་བདག་གི་མཆིས་འབྲང་ཉེ་དུ་མ་ལགས་པ་ལས་བླངས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་ལ་ཇི་ལྟ་བར་བསླབ་པ་བྱིན་པ་ལ་ཡང་དེ་དང་འདྲའོ། །
D7.012.0037b03.01དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་རྒྱས་པར་བརྗོད་དོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ཆོས་གོས་ཕྲོགས་སམ། ཆོས་
D7.012.0037b04.01གོས་ཉམས་སམ། ཆོས་གོས་ཚིག་གམ། ཆོས་གོས་རེད་དམ། ཆོས་གོས་ཁྱེར་ན་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པའི་གན་དུ་སོང་ལ་ཆོས་གོས་བླང་བར་བྱའོ། །གལ་ཏེ་དེ་ལ་བྲམ་ཟེའམ། ཁྱིམ་བདག་དད་པ་ཞིག་གིས་དུས་ཀྱིས་གོས་མང་པོ་སྟོབས་ལ་འདོད་ན་
D7.012.0037b05.01དགེ་སློང་དེས་དེ་ལ་གོས་སྟོད་གཡོགས་དང་སྨད་གཡོགས་དང་བཅས་པའི་མཐར་ཐུག་པ་བླང་བར་བྱའོ། །དེ་ལས་ལྷག་པར་ལེན་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། སྔ་མ་སློང་བའི་སྤང་བའི་ལྟུང་བྱེད་ཇི་ལྟ་བར་སྟོད་གཡོགས་སྨད་གཡོགས་དང་བཅས་པ་ལ་ཡང་དེ་དང་འདྲའོ། །ཐ་
D7.012.0037b06.01དད་དུ་བྱ་བ་ཅི་ཡོད་ཅེ་ན། སྟོད་གཡོགས་དང་སྨད་གཡོགས་དང་བཅས་པ་ནི་གཉིས་ཏེ། ཁྱིམ་པའི་སྟོད་གཡོགས་དང་སྨད་གཡོགས་དང་བཅས་པ་དང་། དགེ་སློང་གི་སྟོད་གཡོགས་དང་སྨད་གཡོགས་དང་བཅས་པའོ། །དགེ་སློང་གིས་ཁྱིམ་པའི་སྟོད་གཡོགས་དང་སྨད་གཡོགས་དང་
D7.012.0037b07.01