完整藏文原文 · 德格版页 当前仅加载第 12 函德格 40a 版页；藏文 NFD、目录标记与异常页序保留在来源切片中，重复版页行以稳定序号区分。
གི་སླད་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མའི་སླད་དུ་རྣམ་པར་རྟོག་པར་རིག་ནས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །ཇི་ལྟར་
D7.012.0040a01.01དགེ་སློང་གིས་རྣམ་པར་རྟོག་པར་རིག་ནས་བསླངས་པ་ལ་སྤང་བའི་ལྟུང་བྱེད་དུ་འགྱུར་བ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་
D7.012.0040a02.01ཏེ་རྒྱས་པར་བརྗོད་པར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གི་ཕྱིར་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པས་གོས་ཀྱི་རིན་སོ་སོ་བདག་སྤགས་ནས། བདག་
D7.012.0040a03.01ཅག་གཉིས་ཀྱིས་གོས་ཀྱི་རིན་སོ་སོ་བ་འདི་དག་གིས་ཆོས་གོས་འདི་དང་འདི་ལྟ་བུ་སོ་སོ་བ་ཉོས་ལ་དགེ་སློང་མིང་འདི་ཞེས་བྱ་བ་འོངས་པ་དང་བདག་ཅག་གཉིས་ཀྱིས་སོ་སོ་ནས་དེ་ལ་ཆོས་གོས་རུང་བ་དུས་སུ་བསྐོན་ནོ་སྙམ་པ་ལས། དེ་ན་གལ་ཏེ་དགེ་སློང་དེ་ལ་སྔར་མ་བསྟབས་པར་
D7.012.0040a04.01རྣམ་པར་རྟོག་པ་འགའ་ཞིག་རིག་སྟེ། བཟང་པོ་འདོད་པའི་ཕྱིར་ཁྱིམ་བདག་དང་། ཁྱིམ་བདག་གི་ཆུང་མ་ཉེ་དུ་མ་ཡིན་པ་དེ་དག་དྲུང་དུ་སོང་ནས་འདི་སྐད་ཅེས་ཚེ་དང་ལྡན་པ་དག་གིས་བདག་གི་ཕྱིར་ཆོས་གོས་ཀྱི་རིན་སོ་སོར་གང་དག་སྤགས་པའི་ཆོས་གོས་ཀྱི་རིན་སོ་སོ་བ་དེ་དག་གིས་ཚེ་དང་
D7.012.0040a05.01ལྡན་པ་དག་ཆོས་གོས་འདི་དང་འདི་ལྟ་བུ་སོ་སོ་བ་ཉོས་ལ་གཉིས་ཀ་འདུས་ཏེ། བདག་ལ་ཆོས་གོས་རུང་བ་གཅིག་དུས་སུ་ལེགས་པར་བསྐོན་ཅེས་སྨྲས་ཏེ། ཆོས་གོས་གྲུབ་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་ཞེས་བྱ་བ་སྟེ། གཞུང་ལྷག་མ་ནི་བསླབ་
D7.012.0040a06.01པའི་གནས་འདས་མ་ཐག་པ་ལ་ཇི་ལྟ་བ་དེ་བཞིན་དུ་བསླབ་པའི་གནས་འདི་ལ་ཡང་རྒྱས་པར་བརྗོད་པར་བྱའོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པ་དང་། །
D7.012.0040a07.01