完整藏文原文 · 德格版页 当前仅加载第 12 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཏེ་སྐྱེས་པར་རེད་ནས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློང་མ་ལ་ཡང་སྦྱར་བར་བྱའོ། །བཙུན་པ་རེ་ཞིག་དགེ་སློང་གིས་ཆོས་གོས་བསྒྲུབ་པའི་སླད་དུ་ཞལ་ཏ་བགྱིད་པ་ཟ་མ་ལ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་
D7.012.0042b01.01ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་མ་ནིང་དང་མ་ནིང་མོ་ལ་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་དགེ་སློང་གི་དོན་དང་དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་རྣམས་ཀྱི་དོན་དུ་ཆོས་
D7.012.0042b02.01གོས་བསྒྲུབ་པའི་སླད་དུ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ཆོས་གོས་ལ་མ་གཏོགས་པ་དེ་ལས་གཞན་པའི་ཡོ་བྱད་རྣམས་ཀྱི་སླད་དུ་ལན་བཞི་ལན་ལྔ་ལན་དྲུག་གི་འོག་ཏུ་
D7.012.0042b03.01སློང་བར་བགྱིད་ན་ཅིར་འགྱུར་ལགས། ཉེས་བྱས་སོ། །ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཞིག་བསླབ་པ་སྩལ་བས་ཆོས་གོས་བསྒྲུབ་པའི་སླད་དུ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། སྤང་བའི་
D7.012.0042b04.01ལྟུང་བྱེད་དུ་འགྱུར་རོ། །དགེ་སློང་མས་ཆོས་གོས་བསྒྲུབ་པའི་སླད་དུ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་
D7.012.0042b05.01བ་བྱུང་བ་ལ་སོགས་པ་ལ་ནི་ཉེས་བྱས་སུ་བརྗོད་དོ།། །།སྡོམ་ལ། གཞན་གྱིས་གཞན་གྱི་འཕྲོ་དང་ནི། །ཁྱིམ་པ་ཉིད་དང་མུ་སྟེགས་འགྲོ། །མི་རུང་བ་དང་མཚན་དང་ནི། །བཞི་ཚན་བདེ་གཤེགས་བདུན་ཚན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་
D7.012.0042b06.01པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་སྲིན་བལ་གྱི་སྟན་སར་པ་བྱེད་པ་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་གཞན་ལ་སྲིན་བལ་གྱི་སྟན་སར་པ་བགྱིད་དུ་སྩལ་ན་
D7.012.0042b07.01