完整藏文原文 · 德格版页 当前仅加载第 12 函德格 8b 版页；藏文 NFD、目录标记与异常页序保留在来源切片中，重复版页行以稳定序号区分。
ཁ་ན་མ་ཐོ་བས་རེག་པར་མི་འགྱུར་རོ། །བཙུན་པ་རེ་ཞིག་དགེ་སློང་གིས་དགྲ་བཅོམ་པ་དགུམ་པར་སྦྱོར་བ་བགྱིས་ལ། སློབ་པ་སྲོག་དང་ཕྲལ་ན་ཅིར་འགྱུར་ལགས། མཐར་འགྱུར་ཏེ། མཚམས་མེད་པ་དང་ཉེ་བའི་ཁ་ན་མ་ཐོ་བས་ཀྱང་རེག་པར་འགྱུར་རོ། །བཙུན་པ་རེ་ཞིག་དགེ་སློང་
D7.012.0008b01.01གིས་སོ་སོའི་སྐྱེ་བོ་དགུམ་པར་སྦྱོར་བ་བགྱིས་ལ། དགྲ་བཅོམ་པ་ཞིག་སྲོག་དང་ཕྲལ་ན་ཅིར་འགྱུར་ལགས། མཐར་འགྱུར་ཏེ། མཚམས་མེད་པའི་ཁ་ན་མ་ཐོ་བས་ཀྱང་རེག་པར་འགྱུར་རོ། །བཙུན་པ་རེ་ཞིག་རྐུན་པོ་ཞིག་དགུམ་པར་ཁྲིད་པ་ལས་བྲོས་ཏེ། དེ་གྲོང་མིའམ། རྒྱལ་
D7.012.0008b02.01པོའི་མི་དག་གིས་རྗེས་བཞིན་དུ་བསྙགས་པར་གྱུར་ལ། ཤུལ་གྱི་མདུན་རོལ་ནས་དགེ་སློང་ཞིག་མཆིས་པ་དེ་ལ་དེ་དག་གིས་ཁྱོད་ཀྱིས་རྐུན་པོ་ཞིག་བྲོས་པ་མཐོང་ངམ་ཞེས་དྲིས་པ་དང་། དགེ་སློང་དེ་ལ་ཡང་རྐུན་པོ་དགུམ་པའི་སེམས་ཉེ་བར་གནས་པར་གྱུར་ནས་དེ་ཡང་དེ་དག་ལ་
D7.012.0008b03.01བསྟན་ཏེ་དེ་སྲོག་དང་ཕྲལ་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་རྐུན་པོ་ཞིག་དགུམ་པར་ཁྲིད་པ་ལས་བྲོས་ཏེ། དེ་གྲོང་མིའམ་རྒྱལ་པོའི་མི་དག་གིས་རྗེས་བཞིན་དུ་བསྙགས་པར་གྱུར་ལ། ཤུལ་གྱི་མདུན་རོལ་ནས་དགེ་སློང་ཞིག་མཆིས་པ་དེ་ལ་དེ་དག་གིས་ཁྱོད་
D7.012.0008b04.01ཀྱིས་རྐུན་པོ་ཞིག་བྲོས་པ་མཐོང་ངམ་ཞེས་དྲིས་པ་དང་། དགེ་སློང་ལ་ཡང་རྐུན་པོ་དགུམ་པའི་སེམས་ཉེ་བར་གནས་པར་མ་གྱུར་པར་དེ་དག་ལ་བསྟན་ཏེ་དེ་སྲོག་དང་ཕྲལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་མི་གཉིས་ལས་གཞན་དགུམ་པར་བགྱིས་པ་ལས་གཞན་བཀུམ་ན་
D7.012.0008b05.01ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་བསྙེན་པར་རྫོགས་པར་དགུམ་པར་སྦྱོར་བ་བགྱིས་ལ། བསྙེན་པར་མ་རྫོགས་པར་བཀུམ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་དགུམ་པར་སྦྱོར་བ་བགྱིས་ལ། བསྙེན་པར་རྫོགས་ཀར་བཀུམ་
D7.012.0008b06.01ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་དགུམ་པར་སྦྱོར་བ་བགྱིས་ལ། བསྙེན་པར་རྫོགས་ཏེ་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཀར་དགུམ་པར་སྦྱོར་བ་བགྱིས་ལ། བསྙེན་པར་རྫོགས་ཀར་བཀུམ་ན་ཅིར་འགྱུར་ལགས།
D7.012.0008b07.01