完整藏文原文 · 德格版页 当前仅加载第 12 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་གནས་པ་དང་། གནས་པར་མི་བྱ་བ་དང་། དང་པོ་མི་མཐུན་པ་ཅན་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་དགེ་འདུན་གྱི་དབྱེན་བགྱིས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་།
D7.012.0048b01.01ཐ་དད་དུ་གནས་པ་དང་། བསླབ་པ་སྩལ་བ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་བསླབ་པ་སྩལ་བས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་
D7.012.0048b02.01རོ།། །།སྡོམ་ལ། བསྒྲུབ་བྱ་ཤས་ཙམ་བཀྲུས་པ་དང་། །དགེ་འདུན་གྱི་དང་མཚན་གཉིས་དང་། མི་རུང་བ་དང་སྤངས་པ་དང་། །དེ་བཞིན་དུ་ནི་གཉེན་ཉིད་དང་། །བཞི་ཚན་དག་ཏུ་བྱས་པ་དང་། །དགེ་སློང་མ་ནི་ཐ་མ་ཡིན། །བཙུན་པ་རེ་ཞིག་དགེ་སློང་གིས་
D7.012.0048b03.01དགེ་སློང་མ་ཉེ་དུ་མ་ལགས་པ་ལ་ལུག་བལ་བསྒྲུབ་པར་བགྱི་བ་ཞིག་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་ཉེ་དུ་མ་ལགས་པ་ལ་ལུག་བལ་ཤས་ཙམ་བཀྲུས་པ་ཞིག་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་
D7.012.0048b04.01དགེ་འདུན་གྱི་ལུག་བལ་འཁྲུར་སྩོལ་ན་ཅིར་འགྱུར་ལགས། གལ་ཏེ་གང་ཟག་གིར་ཡོངས་སུ་སྤྱད་པས་ཡོངས་སུ་སྤྱད་དེ་དྲི་མ་ཅན་དུ་བྱས་པ་ཞིག་ན་ཉེས་བྱས་སུ་འགྱུར་རོ། །འོན་ཏེ་གནས་མལ་གྱི་དངོས་པོ་ཞིག་འཁྲུར་བཅུག་ན་ནི་ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་དགེ་
D7.012.0048b05.01སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩལ་བ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་བ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་
D7.012.0048b06.01ལགས། ཉེས་བྱས་སོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ལུག་བལ་
D7.012.0048b07.01