完整藏文原文 · 德格版页 当前仅加载第 12 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་བརྗོད་པར་བྱའོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་གིས་ཁའི་ལམ་དུ་ཉམས་པར་བགྱིས་པ་མཐོང་ངོ་ཞེས་མཆི་ན། དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་
D7.012.0026b01.01གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཞིག་དེ་ལ་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན་གཉི་ག་ལ་དྲི་བར་བྱ་སྟེ། གལ་ཏེ་མཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་
D7.012.0026b02.01ཚིག་གིས་བྱེད་དུ་བཅུག་ཅིང་། དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་དེ་འདི་སྐད་ཅེས་འདིས་ཁའི་ལམ་དུ་ནི་ཉམས་པར་མ་བྱས་ཏེ། འོན་ཀྱང་བཤང་བའི་ལམ་དང་། གཅི་བའི་ལམ་དུ་ཉམས་པར་བྱས་སོ་ཞེས་ཟེར་ན་དགེ་སློང་ལ་རྨེད་དུ་གཞུག་གོ། །ཁའི་ལམ་དུ་ཇི་ལྟ་བར་བཤང་
D7.012.0026b03.01བའི་ལམ་དང་། གཅི་བའི་ལམ་དུ་དེ་བཞིན་དུ་བརྗོད་པར་བྱའོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་ཅེས། བཙུན་པ་དག་དགེ་སློང་ཞིག་རྒྱལ་རིགས་མ་ཞིག་དང་ལྷན་ཅིག་ཏུ་ཉམས་པར་བགྱིད་པ་བདག་གིས་
D7.012.0026b04.01མཐོང་ངོ་ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་དུ་ཚོལ་དུ་སྩལ་ཏམ། མི་གཞུག་སྟེ། རེ་ཞིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་དེ་འདི་སྐད་ཅེས་ཡོད་དོ་ཞེས་ཟེར་ན།
D7.012.0026b05.01གཉི་ག་ལ་དྲི་བར་བྱ་སྟེ། །གལ་ཏེ་མཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང་། དེ་དེའི་ངོ་བོ་ཉིད་དུ་ཚོལ་དུ་གཞུག་གོ། །འོན་ཏེ་དེ་འདི་སྐད་ཅེས་འདིས་རྒྱལ་རིགས་དང་ལྷན་ཅིག་ཏུ་ཉམས་པར་ནི་མ་བྱས་ན། འོན་ཀྱང་བྲམ་ཟེ་མོ་དང་ལྷན་ཅིག་ཏུ་
D7.012.0026b06.01ཉམས་པར་གྱུར་ཏོ་ཞེས་ཟེར་ན་དགེ་སློང་ལ་རྨེད་དུ་གཞུག་གོ། །རྒྱལ་རིགས་མོ་དང་ཇི་ལྟ་བར་བྲམ་ཟེ་མོའི་རིགས་དང་། རྗེའུ་རིགས་མོ་དང་། དམངས་རིགས་མོ་དང་། དཀར་མོ་དང་། སྔོན་མོ་དང་། སྔོ་བསངས་མོ་དང་། རིང་མོ་དང་། ཐུང་ངུ་མ་དང་། སྡུག་གུ་མ་དང་།
D7.012.0026b07.01