完整藏文原文 · 德格版页 当前仅加载第 12 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་ཚུལ་མ་ལ་ནི་ཉེས་བྱས་སོ། །ཉེ་བ་འཁོར་གྱིས་ཞུས་པ། ཁ་ཆེ་བ་ལས་ཕམ་པ་སྦྱར་བ་རྫོགས་སོ།། །།སྡོམ་ལ། མ་ལོག་སྦུབས་དང་དེ་བཞིན་གཡོས། །རྩོལ་བ་མེད་པ་དག་དང་མཚན། །གཞན་གྱི་དག་དང་བཅས་པ་འདིར། །ཚོགས་སུ་ཡང་དག་བཤད་
D7.012.0012b01.01པ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཆེད་དུ་བསམས་ནས་ཁུ་བ་ཕྱུང་ན་རྨི་ལམ་གྱི་མ་གཏོགས་ཏེ། དགེ་འདུན་ལྷག་མའོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་གཉིད་མ་
D7.012.0012b02.01ལོག་པའི་གནས་སྐབས་སུ་བརྩམས་ཏེ་གཉིད་ལོག་ནས་ཁུ་བ་ཕྱུང་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་གཉིད་ལོག་པའི་ཚེ་བརྩམས་ཏེ་སད་ནས་ཁུ་བ་ཕྱུང་ན་ཅིར་འགྱུར་ལགས། གལ་ཏེ་རྩོལ་ན་ཉེས་པ་སྦོམ་པོར་འགྱུར་རོ། །འོན་ཏེ་མི་རྩོལ་ན་ལྟུང་བ་མེད་
D7.012.0012b03.01དོ། །བཙུན་པ་རེ་ཞིག་བཅོམ་ལྡན་འདས་ཀྱིས་ཁུ་བ་སྦུབས་སུ་ཕྱིན་པ་ཕྱུང་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་གང་ལགས་པ། ཇི་ཙམ་གྱིས་ན་སྦུབས་སུ་ཕྱིན་པ་ལགས། གནས་ནས་འཕགས་མ་ཐག་ཏུ་སྦུབས་སུ་ཕྱིན་པར་འགྱུར་རོ། །བཙུན་པ་བཅོམ་ལྡན་འདས་ཀྱིས་བསྐྱོད་
D7.012.0012b04.01དེ་བཏང་བ་ལས་ཁུ་བ་ཕྱུང་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་གང་ལགས་པ། ཇི་ཙམ་གྱིས་ན་བསྐྱོད་དེ་བཏང་བ་ལགས། མཇུག་ཐོགས་སུ་གནས་ནས་འཕགས་པ་ལས་བཏང་བ་ཡིན་ནོ། །བཙུན་པ་མ་རྩལ་བར་ཁུ་བ་ཕྱུང་ན་ཅིར་འགྱུར་ལགས། གལ་ཏེ་བདག་གིར་མི་
D7.012.0012b05.01བྱེད་ན་ལྟུང་བ་མེད་དོ། །འོན་ཏེ་བདག་གིར་བྱེད་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་ཁུ་བ་འབྱིན་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མ་ཁུ་བ་འབྱིན་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་
D7.012.0012b06.01འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཞིག་དགེ་སློང་གིས་གཞན་གྱི་ཟག་བྱེད་ནས་ཁུ་བ་འབྱིན་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་ཆེད་དུ་བསམས་ཏེ་ཁུ་བ་ཕྱུང་ན་དགེ་འདུན་ལྷག་མར་མི་འགྱུར་བ་ལྟ་
D7.012.0012b07.01