完整藏文原文 · 德格版页 当前仅加载第 12 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་ལགས། ཉེས་བྱས་སོ། །མདུན་དུ་ཁྱིམ་པ་ལ་གདིང་བ་སར་པ་བགྱིད་དུ་སྩོལ་ཅིང་སྤྱོད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། བསླབ་པ་སྩལ་བ་དང་། དང་པོ་
D7.012.0046a01.01མི་མཐུན་པ་ཅན་དང་། སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། ཐ་དད་དུ་གནས་པ་དང་། གནས་པར་མི་བྱ་བ་ནས། ཁས་ལེན་པའི་བར་ལ་གདིང་བ་སར་པ་བགྱིད་དུ་སྩོལ་ཅིང་སྤྱོད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་
D7.012.0046a02.01ཞིག་དགེ་སློང་གིས་ཕྱི་རོལ་པ་གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་ལ་གདིང་བ་སར་པ་བགྱིད་དུ་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །འགྲོ་བ་གཞན་དུ་གནས་པ་རྣམས་ལ་གདིང་བ་སར་པ་བགྱིད་དུ་སྩོལ་ཅིང་སྤྱོད་ན་
D7.012.0046a03.01ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་བདེ་བར་གཤེགས་པའི་མཐོར་སོར་གཅིག་གམ། སོར་ཕྱེད་ཀྱིས་མི་འཚལ་བར་གདིང་བ་སར་པ་བགྱིད་དུ་སྩོལ་ཅིང་སྤྱོད་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་
D7.012.0046a04.01གདིང་བ་སར་པ་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། སྤུན་མི་རུང་བར་གྱུར་ལ། རྒྱུ་རུང་བ་དང་། གཉི་ག་མི་རུང་བར་གྱུར་ནའོ། །མི་རུང་བ་ནི་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། མ་བཏགས་པ་སྟེ་དེ་ལྟ་བུའི་གདིང་བ་
D7.012.0046a05.01སར་པ་བྱེད་དུ་འཇུག་ཅིང་སྤྱོད་ན་ཉེས་བྱས་སུ་འགྱུར་རོ།། །།འདུལ་བ་གཞུང་བླ་མ། བམ་པོ་དྲུག་པ། བཙུན་པ་རེ་ཞིག་དགེ་སློང་བདེ་བར་གཤེགས་པའི་མཐོར་སོར་གཅིག་གམ། སོར་ཕྱེད་ཀྱིས་མི་འཚལ་བར་གདིང་བ་སར་པ་བགྱིད་དུ་སྩོལ་བ་ལས་མཚན་གྱུར་ཏེ་དགེ་སློང་མར་
D7.012.0046a06.01རེད་ནས་སྤྱོད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མ་བདེ་བར་གཤེགས་པའི་མཐོར་སོར་གཅིག་གམ། སོར་ཕྱེད་ཀྱིས་མི་འཚལ་བར་གདིང་བ་སར་པ་བགྱིད་དུ་སྩོལ་བ་ལས་མཚན་གྱུར་ཏེ་དགེ་སློང་དུ་རེད་ནས་སྤྱོད་ན་ཅིར་འགྱུར་ལགས། སྤང་བའི་ལྟུང་བྱེད་
D7.012.0046a07.01