完整藏文原文 · 德格版页 当前仅加载第 12 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
པར་མི་བྱའོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་གསང་སྔགས་དང་སྨན་དག་གིས་མི་དུད་འགྲོའི་སྐྱེ་གནས་པར་བསྒྱུར་ཏེ། མི་སྲོག་དང་ཕྲལ་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་དགེ་སློང་གིས་གསང་སྔགས་དང་སྨན་དག་གིས་བདག་
D7.012.0007b01.01ཉིད་དུད་འགྲོའི་སྐྱེ་གནས་པར་བསྒྱུར་ཏེ། མི་སྲོག་དང་ཕྲལ་ན་ཅིར་འགྱུར་ལགས། གལ་ཏེ་མི་གསད་པར་བྱར་མི་རུང་བར་དགེ་སློང་དུ་འདུ་ཤེས་ཡོད་ལ། དེ་ཡང་བྱེད་ན་མཐར་འགྱུར་རོ། །གལ་ཏེ་དགེ་སློང་དུ་འདུ་ཤེས་མེད་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་
D7.012.0007b02.01ཕ་དང་མའི་སྲོག་དག་ཕྲལ་ཡང་མཐར་མི་འགྱུར་ལ། མཚམས་མ་མཆིས་པ་ཉིད་ཀྱི་ཁ་ན་མ་ཐོ་བས་ཀྱང་རེག་པར་མི་འགྱུར་བ་ལྟ་མཆིས་ལགས་སམ། ཡོད་དེ་གང་གི་ཕ་དང་མ་དུད་འགྲོའི་སྐྱེ་གནས་པར་གྱུར་པའོ། །བཙུན་པ་དགེ་སློང་གིས་ཕ་བཀུམ་ཡང་མཐར་མི་འགྱུར་ལ། མཚམས་
D7.012.0007b03.01མ་མཆིས་པ་ཉིད་ཀྱི་ཁ་ན་མ་ཐོ་བས་ཀྱང་རེག་པར་མི་འགྱུར་བ་ལྟ་མཆིས་ལགས་སམ། ཡོད་དེ་ཟག་པ་དང་བཅས་པའི་ལས་ཀྱི་སྲིད་པ་བསད་ནའོ། །ཉེ་བ་འཁོར་ཟག་པ་དང་བཅས་པའི་ལས་ཀྱི་སྲིད་པ་ནི་མངོན་པར་སྒྲུབ་པའི་དོན་གྱིས་ཕ་ཞེས་བྱའོ། །བཙུན་པ་རེ་ཞིག་དགེ་སློང་གིས་
D7.012.0007b04.01མ་བཀུམ་ཡང་མཐར་མི་འགྱུར་ལ། མཚམས་མ་མཆིས་པ་ཉིད་ཀྱི་ཁ་ན་མ་ཐོ་བས་ཀྱང་རེག་པར་མི་འགྱུར་བ་ལྟ་མཆིས་ལགས་སམ། ཡོད་དེ་གལ་ཏེ་སྲེད་པ་བསད་ནའོ། །ཉེ་བ་འཁོར་སྲེད་པ་ནི་སྐྱེད་པའི་དོན་གྱིས་མ་ཞེས་བྱའོ། །བཙུན་པ་རེ་ཞིག་དགེ་སློང་གིས་མ་དགུམ་པར་
D7.012.0007b05.01འཚལ་ནས་བུད་མེད་གཞན་ཞིག་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བུད་མེད་གཞན་ཞིག་དགུམ་པར་འཚལ་ནས་མ་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་མ་དགུམ་པར་སྦྱོར་བ་བགྱིས་ལ།
D7.012.0007b06.01བུད་མེད་གཞན་ཞིག་སྲོག་དང་ཕྲལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བུད་མེད་གཞན་ཞིག་དགུམ་པར་སྦྱོར་བ་བགྱིས་ལ་མ་སྲོག་དང་ཕྲལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་མིའི་
D7.012.0007b07.01