完整藏文原文 · 德格版页 当前仅加载第 12 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱུད་པ་དང་། །སྨྱོན་པ་དང་ནི་སེམས་གཡེངས་དང་། །ཚོར་བ་འོན་པ་གླེན་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་ལ་བསྔོས་པའི་རྙེད་པ་ཤེས་
D7.012.0063a01.01བཞིན་དུ་གང་ཟག་བདག་ལ་སྒྱུར་དུ་འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་ཕོ་ཉ་ལས་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་
D7.012.0063a02.01འགྱུར་ལགས། ཉེས་བྱས་ཁོ་ནའོ། །ཕོ་ཉ་ལས་ཇི་ལྟ་བར་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པས་ཀྱང་དེ་དང་འདྲའོ། །བཙུན་པ་རེ་ཞིག་དགེ་སློང་གིས་དགེ་འདུན་སྨྱོན་པ་ལས་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་སྒྱུར་དུ་
D7.012.0063a03.01སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །སྨྱོན་པ་ལས་ཇི་ལྟ་བ་དེ་བཞིན་དུ་སེམས་གཡེངས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་ལ་ཅིར་འགྱུར་ལགས། ཉེས་བྱས་སོ།། །།
D7.012.0063a04.01སྡོམ་ལ། མི་ཆོག་པ་དང་མི་རུང་དང་། །ཕ་མ་བཞི་ཚན་མཚན་དང་ནི། །ཁྱིམ་པ་དག་ལ་སོགས་པ་དང་། །འགྲོ་དང་སློབ་པ་དགེ་སློང་མ། །བཙུན་པ་རེ་ཞིག་དགེ་སློང་གིས་དགེ་འདུན་ལ་བསྔོས་པའི་ཆོས་གོས་ཁྲུ་གང་དུ་མི་ཚང་བ་ཞིག་གང་ཟག་བདག་ལ་སྒྱུར་དུ་སྩལ་ན་ཅིར་
D7.012.0063a05.01འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །འོན་ཏེ་དེ་ཀུན་ནས་ཁྲུ་གང་བའམ། ལྷག་པ་ཞིག་ཡིན་ན་སྤང་བའི་ལྟུང་བྱེད་དུ་འགྱུར་རོ། །བཙུན་པ་དགེ་སློང་གིས་དགེ་འདུན་ལ་བསྔོས་པའི་རྙེད་པ་འཚལ་བཞིན་དུ་གང་ཟག་
D7.012.0063a06.01བདག་ལ་སྩལ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། རྒྱུ་རུང་བར་གྱུར་ལ། སྤུན་མི་རུང་བ་དང་། གཉི་ག་མི་རུང་བར་གྱུར་ནའོ། །མི་རུང་བ་ནི་རྔ་བལ་དང་།
D7.012.0063a07.01