完整藏文原文 · 德格版页 当前仅加载第 12 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
བཀུར་ན་ཅིར་འགྱུར་ལགས། ཉེས་བྱས་སོ། །ཇི་ལྟར་དགེ་སློང་གིས་ལུག་བལ་དཔག་ཚད་གསུམ་ལས་འདས་པར་ཁྱེར་ན་སྤང་བའི་ལྟུང་བྱེད་དུ་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་དང་། དགེ་སློབ་མ་དང་།
D7.012.0048a01.01དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་འགྲོ་བའོ། །ཁྱིམ་པ་དག་ལ་
D7.012.0048a02.01སོགས་པ་སྟེ། །བསླབ་པ་བྱིན་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལ་ལུག་བལ་འཁྲུར་འཇུག་གམ། འཚེད་དུ་འཇུག་གམ། རྨེལ་དུ་
D7.012.0048a03.01འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་ཕོ་ཉ་ལས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་
D7.012.0048a04.01སྙད་འདོགས་པ་དང་། བརྒྱུད་པས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་སྨྱོན་མ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་
D7.012.0048a05.01དུ་དགེ་སློང་མ་ཉེ་དུ་མ་ལགས་པ་སེམས་གཡེངས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཁྱིམ་པ་མོ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་ན་ཅིར་འགྱུར་
D7.012.0048a06.01ལགས། ཉེས་བྱས་སོ། །དེ་བཞིན་དུ་དགེ་སློང་མ་ཁས་ལེན་པ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མ་འགུམས་པ་དང་། ཕ་འགུམས་པ་དང་། དགྲ་བཅོམ་པ་འགུམས་པ་དང་། མུ་སྟེགས་ཅན་དང་། མུ་སྟེགས་ཅན་དུ་ཞུགས་པ་དང་། རྐུ་ཐབས་
D7.012.0048a07.01