完整藏文原文 · 德格版页 当前仅加载第 12 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
བཙུན་པ་བཅོམ་ལྡན་འདས་ཀྱིས་མ་ཤ་ཀ་ལྔ་བརྐུས་ན་མཐར་འགྱུར་རོ་ཞེས་གསུངས་པ་གང་ལགས་པ། གལ་ཏེ་བཙུན་པ་དགེ་སློང་གིས་མ་ཤ་ཀ་ལྔ་བརྐུས་ཀྱང་མཐར་མི་འགྱུར་བ་ལྟ་མཆིས་སམ། ཡོད་དེ་གལ་ཏེ་རེ་རེ་ནས་སམ། གཉིས་གཉིས་ནས་སམ། གསུམ་གསུམ་ནས་སམ། བཞི་བཞི་
D7.012.0006a01.01ནས་རྐུའི་ནམ་ཡང་ལྔ་མ་ཡིན་ནའོ། །བཙུན་པ་རེ་ཞིག་དགེ་སློང་གིས་ཡོ་བྱད་ཆེན་པོ་ཞིག་བདག་གི་བའི་འདུ་ཤེས་ཀྱིས་བླངས་ལ་བརྐུ་སེམས་ཀྱིས་སྦེད་ན་ཅིར་འགྱུར་ལགས། མཐར་འགྱུར་རོ། །གལ་ཏེ་བཙུན་པ་བརྐུ་སེམས་ཀྱིས་བླངས་ན། བདག་གི་བའི་འདུ་ཤེས་ཀྱིས་སྦེད་ན་ཅིར་འགྱུར་ལགས། ཉེས་པ་སྦོམ་པོར་
D7.012.0006a02.01འགྱུར་རོ། །བཙུན་པ་རེ་ཞིག་དགེ་སློང་གིས་ཅི་འདི་དེའི་ཡིན་ནམ། འདི་དེའི་མ་ཡིན། དེ་འདི་ཡིན་ནམ་དེ་འདི་མ་ཡིན་སྙམ་དུ་སོམ་ཉི་དང་། ཐེ་ཚོམ་འཚལ་བཞིན་དུ་དེ་ཡང་བརྐུས་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་དགེ་སློང་གིས་ནུབ་ཀྱི་བ་ལང་སྤྱོད་ཀྱི་གླིང་དུ་མ་སྩོལ་བར་བརྐུས་ན་ཅིར་
D7.012.0006a03.01འགྱུར་ལགས། གལ་ཏེ་དེ་དག་གི་ལྟར་བརྩིས་ཏེ་མ་ཤ་ཀ་ལྔ་བརྐུས་ན་མཐར་འགྱུར་རོ། །བཙུན་པ་ཤར་གྱི་ལུས་འཕགས་གླིང་དུ་མ་སྩལ་བར་བརྐུས་ན་ཅིར་འགྱུར་ལགས། གལ་ཏེ་དེ་དག་གི་ལྟར་བརྩིས་ཏེ་མ་ཤ་ཀ་ལྔ་བརྐུས་ན་མཐར་འགྱུར་རོ། །བཙུན་པ་བྱང་གི་སྒྲ་མི་སྙན་གྱི་གླིང་དུ་མ་སྩལ་བར་
D7.012.0006a04.01བརྐུས་ན་ཅིར་འགྱུར་ལགས། ཉེ་བ་འཁོར་དེ་ན་ནི་མ་བྱིན་པར་ལེན་པ་མེད་དེ། གལ་ཏེ་བརྐུ་སེམས་བསྐྱེད་ན་ནི་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་མ་སྨྲས་པར་གཞན་གྱི་དོན་དུ་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་
D7.012.0006a05.01མིའི་མ་ལགས་པ་ལ་མིའི་ལགས་པར་འདུ་ཤེས་ཏེ། མ་སྩལ་བར་བརྐུས་ན་ཅིར་འགྱུར་ལགས། ཉེས་བྱས་སོ། །མིའི་མ་ལགས་པ་ལ་མིའི་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མིའི་ལ་མིའི་མ་ལགས་པར་འདུ་ཤེས་ཏེ་མ་སྩལ་ལགས་པར་བརྐུས་ན་ཅིར་
D7.012.0006a06.01འགྱུར་ལགས། ཉེས་པ་སྦོམ་པོར་འགྱུར་རོ། །མིའི་ལ་མིའི་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར་ལགས། མཐར་འགྱུར་རོ།། །།སྡོམ་ལ། མཆོད་རྟེན་སྐུ་གདུང་གླེགས་བམ་དང་། །དགེ་འདུན་མང་སྔོས་བརྒྱུད་པ་དང་། །འདུ་ཤེས་གཉིས་དང་དེ་བཞིན་གནས། །མི་དབང་ཁྱིམ་ནི་ཐ་མ་
D7.012.0006a07.01