完整藏文原文 · 德格版页 当前仅加载第 12 函德格 33a 版页；藏文 NFD、目录标记与异常页序保留在来源切片中，重复版页行以稳定序号区分。
ལེན་པ་དང་། མ་ནིང་མོ་དང་། དགེ་སློང་མ་སུན་ཕྱུང་བ་དང་། མ་འགུམས་པ་དང་། ཕ་འགུམས་པ་དང་། དགྲ་བཅོམ་པ་འགུམས་པ་དང་། མུ་སྟེགས་ཅན་དང་། མུ་སྟེགས་ཅན་དུ་ཞུགས་པ་དང་། རྐུ་ཐབས་སུ་གནས་པ་དང་། ཐ་དད་དུ་གནས་པ་དང་། དང་པོ་
D7.012.0033a01.01མི་མཐུན་པ་ཅན་དང་། །སྔར་ལྟུང་བ་བྱུང་བ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་དགེ་འདུན་གྱི་དབྱེན་བགྱིད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་
D7.012.0033a02.01འབྱིན་པ་དང་། བསླབ་པ་སྩལ་བའི་དགེ་སློང་མ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ།། །།སྡོམ་ལ། བསྒྲུབ་པར་བྱ་དང་བཀྲུས་པ་དང་། །དགེ་འདུན་གྱི་དང་མཚན་གཉིས་དང་། །མི་རུང་བ་དང་སྤངས་པ་
D7.012.0033a03.01དང་། །གཞན་གྱི་དང་ནི་གྱོན་པ་དང་། །བཞི་ཚན་དག་ཏུ་བྱས་པ་དང་། །དགེ་སློང་མ་ནི་ཐ་མ་ཡིན། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ཆོས་གོས་རྙིང་པ་བསྒྲུབ་པར་བགྱི་བ་ཞིག་འཁྲུར་སྩལ་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་ཉེ་
D7.012.0033a04.01དུ་མ་ལགས་པ་ལ་ཆོས་གོས་རྙིང་པ་བཀྲུས་པ་ཞིག་འཁྲུར་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་དགེ་འདུན་གྱི་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། གལ་ཏེ་གང་ཟག་གིས་ཡོངས་སུ་སྤྱད་པས་
D7.012.0033a05.01ཡོངས་སུ་སྤྱད་དེ། དྲི་མ་ཅན་དུ་གྱུར་པ་ཞིག་ན་ཉེས་བྱས་སུ་འགྱུར་རོ། །འོན་ཏེ་གནས་མལ་གྱི་དངོས་པོ་ཞིག་འཁྲུར་བཅུག་ན་ནི་ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩལ་བ་ལས་མཚན་གྱུར་ཏེ་དགེ་སློང་མར་རེད་ན་ཅིར་
D7.012.0033a06.01འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་ཉེ་དུ་མ་ལགས་པའི་དགེ་སློང་ལ་ཆོས་གོས་རྙིང་པ་འཁྲུར་སྩལ་བ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཉེ་དུ་མ་ལགས་པའི་དགེ་སློང་མ་ལ་ཆོས་གོས་རྙིང་པ་
D7.012.0033a07.01