完整藏文原文 · 德格版页 当前仅加载第 12 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ཆོས་གོས་ཟིན་པས། ཆོས་གོས་སྲ་བརྐྱང་ཕྱུང་ནས་དུས་མ་ཡིན་པའི་གོས་རྙེད་ལ། འདོད་ན་དགེ་སློང་དེས་ཆོས་གོས་དེ་བླང་བར་བྱའོ། །བླངས་ནས་གལ་ཏེ་ལངས་ན་མྱུར་བ་ཁོ་ནར་ཆོས་གོས་སུ་བྱས་ཏེ་བཅང་
D7.012.0031b01.01བར་བྱའོ། །གལ་ཏེ་མི་ལངས་ལ་ཁ་མ་ལངས་པ་ཁ་སྐོང་བའི་ཆོས་གོས་ལ་རེ་བ་ཡོད་ན་ཡང་དགེ་སློང་དེས་ཆོས་གོས་དེ་ཟླ་བ་གཅིག་གི་བར་དུ་གཞག་པར་བྱའོ། །དེ་ལས་འདས་པར་འཇོག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གོས་
D7.012.0031b02.01ཤིག་རྙེད་མ་ཐག་ཏུ་སེམས་འཁྲུགས་པར་གྱུར་ན། གང་ནས་བཟུང་སྟེ་དེའི་ཟླ་བ་བགྲང་བར་བགྱི། གང་ནས་བཟུང་སྟེ་རང་གི་སེམས་ཕྱིར་རྙེད་པ་ནས་སོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ཟླ་བ་གཅིག་གི་བར་དུ་ཆོས་གོས་གཞག་པར་བྱའོ་ཞེས་གསུངས་པ་གང་ལགས་པ།
D7.012.0031b03.01བཙུན་པ་དགེ་སློང་གིས་ནམ་འཚོའི་བར་དུ་ཆོས་གོས་བཞག་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། ཟླ་བ་གཅིག་ཚུན་ཆད་དུ་དུས་བྱས་ནའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ཆོས་གོས་ཟླ་བ་གཅིག་གི་བར་དུ་གཞག་པར་བྱའོ་ཞེས་གསུངས་པ་
D7.012.0031b04.01གང་ལགས་པ། ཆོས་གོས་དེ་ཇི་ལྟ་བུ་ཞིག་ལགས། བདུན་པོ་དག་ལས་བརྟགས་པ་གང་ཡང་རུང་བ་ངས་རྗེས་སུ་གནང་ཞིང་མ་བཀག་པ་གང་ཡིན་པའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ཆོས་གོས་ཟླ་བ་གཅིག་གི་བར་དུ་གཞག་པར་བྱའོ་ཞེས་གསུངས་པ་གང་ལགས་པ།
D7.012.0031b05.01བཙུན་པ་དགེ་སློང་དགུང་ཟླ་གཅིག་ལས་ལྷག་པར་བཞག་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། དེ་འདི་ལྟར་ཆོས་གོས་ཀྱི་སྤུན་རུང་བར་གྱུར་ལ། རྒྱུ་མི་རུང་བར་གྱུར་པ་དང་། སྤུན་མི་རུང་བར་གྱུར་ལ། རྒྱུ་རུང་བར་གྱུར་པ་དང་། གཉི་ག་
D7.012.0031b06.01མི་རུང་བར་གྱུར་པ་སྟེ། མི་རུང་བ་ནི་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། ཐགས་སུ་མ་བཏགས་པ་སྟེ། དེ་ལྟ་བུའི་ཆོས་གོས་ནི་ཟླ་བ་གཅིག་ལས་ལྷག་པར་བཞག་ཀྱང་ཉེས་བྱས་སུ་འགྱུར་རོ། །བཙུན་པ་བཅོམ་ལྡན་
D7.012.0031b07.01