完整藏文原文 · 德格版页 当前仅加载第 12 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་དགེ་སློང་གིས་ཆོས་གོས་དེ་ཟླ་བ་གཅིག་གི་བར་དུ་གཞག་པར་བྱའོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་དགུང་ཟླ་དྲུག་ཏུ་ཆོས་གོས་བཞག་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། ཆོས་གོས་དེ་
D7.012.0032a01.01རྙེད་ནས་ཞག་སུམ་བཅུ་ལོན་པ་དང་། དགེ་འདུན་གྱིས་སྲ་བརྐྱང་བཏིང་བར་གྱུར་ནའོ། །བཙུན་པ་བཅོམ་ལྡན་འདས་ཀྱིས་ཆོས་གོས་གསུམ་དུ་མ་ཚང་ན་ཟླ་བ་གཅིག་གི་བར་དུ་གཞག་གོ་ཞེས་གསུངས་པ་གང་ལགས་པ། བཙུན་པ་དགེ་སློང་ཆོས་གོས་གསུམ་པར་གྱུར་པ་དེས་ཆོས་
D7.012.0032a02.01གོས་མི་ལངས་པ་ཞིག་རྙེད་ན་དེས་ཀྱང་དགུང་ཟླ་གཅིག་གི་བར་དུ་གཞག་པར་བགྱི་ལགས་སམ། ཉེ་བ་འཁོར་མ་ཡིན་ནོ། །དེ་ཅིའི་ཕྱིར་ཞེ་ན། ཉེ་བ་འཁོར་ཆོས་གོས་གསུམ་ཚང་ན་ཆོས་གོས་གཞན་རྙེད་པ་གང་ཡིན་པ་ནི་ལངས་ཀྱང་རུང་། མི་ལངས་ཀྱང་རུང་སྟེ་ཐམས་ཅད་ནི་ཞག་བཅུ་པ་
D7.012.0032a03.01ཡིན་ནོ། །ཆོས་གོས་གསུམ་དུ་མ་ཚང་བ་ལས་གལ་ཏེ་ཆོས་གོས་སུ་ལངས་པ་ཞིག་རྙེད་ན་དེ་ཡང་ཞག་བཅུ་པ་ཡིན་ནོ། །འོན་ཏེ་མ་ལངས་པ་ཞིག་རྙེད་ན་ཟླ་བ་གཅིག་གི་བར་དུ་གཞག་པར་བྱའོ། །དེ་ལས་འདས་པར་བཞག་ན་སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་
D7.012.0032a04.01དགུང་ཟླ་གཅིག་ལ་དགུང་ཟླ་གཅིག་ཏུ་འདུ་ཤེས་པས་སྐྱ་རེངས་འཆར་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགུང་ཟླ་གཅིག་ལ་དགུང་ཟླ་གཅིག་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །དགུང་ཟླ་གཅིག་མ་ལགས་པ་ལ་དགུང་
D7.012.0032a05.01ཟླ་གཅིག་ཏུ་འདུ་ཤེས་ན་ཅིར་འགྱུར་ལགས། ཉེས་བྱས་སོ། །དགུང་ཟླ་གཅིག་མ་ལགས་པ་ལ་དགུང་ཟླ་གཅིག་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་ཆོས་གོས་རྙེད་ནས་དགུང་ཟླ་གཅིག་ལགས་པ་ལས་མཚན་གྱུར་ཏེ།
D7.012.0032a06.01དགེ་སློང་མར་རེད་ནས་དགུང་ཟླ་གཅིག་ལས་འདའ་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་ཆོས་གོས་རྙེད་ནས་དགུང་ཟླ་གཅིག་ལགས་པ་ལས་མཚན་གྱུར་ཏེ། དགེ་སློང་དུ་རེད་ནས་ཟླ་བ་གཅིག་ལས་འདའ་བར་བགྱིད་ན་ཅིར་
D7.012.0032a07.01