完整藏文原文 · 德格版页 当前仅加载第 12 函德格 9b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་སྨྲས། མ་མཐོང་བར་མཐོང་ངོ་ཞེས་སྨྲས་ཏེ། གསོབ་གསོག་{བརྫུན་,རྫུན་}དུ་སྨྲས་སོ་ཞེས་ཟེར་ན་མངོན་པའི་ང་རྒྱལ་མ་གཏོགས་ཏེ། དགེ་སློང་དེ་ཡང་ཕས་ཕམ་པར་འགྱུར་བ་ཡིན་གྱིས་གནས་པར་མི་བྱའོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་འདི་སྐད་ཅེས་
D7.012.0009b01.01བདག་ནི་སངས་རྒྱས་ཡིན་ནོ་ཞེས་མཆི་ན་ཅིར་འགྱུར་ལགས། གལ་ཏེ་སྡིག་པ་མི་དགེ་བའི་ཆོས་རྣམས་ཁོང་དུ་ཆུད་པ་ཉིད་དམ། བརྡ་སྤྲོད་པ་ཉིད་ལས་བསམས་ནས་ལུང་སྟོན་ན་ཉེས་པ་སྦོམ་པོར་འགྱུར་རོ། །འོན་ཏེ་མེད་པ་སངས་རྒྱས་བྱེད་པའི་ཆོས་རྣམས་སུ་ལུང་སྟོན་ན་མཐར་འགྱུར་
D7.012.0009b02.01རོ། །བཙུན་པ་རེ་ཞིག་དགེ་སློང་འདི་སྐད་ཅེས་བདག་ནི་སྟོན་པ་ཡིན་ནོ་ཞེས་མཆི་ན་ཅིར་འགྱུར་ལགས། གལ་ཏེ་འདི་སྐད་དུ་གདམས་ངག་སྟོན་པ་དང་། རྗེས་སུ་སྟོན་པ་དང་། ཆོས་སྟོན་པའོ་སྙམ་དུ་བསམས་ནས་སྨྲས་ན་ཉེས་པ་སྦོམ་པོར་འགྱུར་རོ། །འོན་ཏེ་སྟོན་པའི་ཆོས་རྣམས་སུ་
D7.012.0009b03.01ལུང་སྟོན་ན་མཐར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་བདག་ནི་བཅོམ་ལྡན་འདས་རྣམ་པར་གཟིགས་དང་། གཙུག་ཏོར་ཅན་དང་། འཁོར་བ་འཇིག་དང་། ཐམས་ཅད་སྐྱོབ་དང་། གསེར་ཐུབ་དང་། འོད་སྲུང་གི་ཉན་ཐོས་སོ་ཞེས་མཆི་ན་ཅིར་འགྱུར་ལགས།
D7.012.0009b04.01གལ་ཏེ་སྔོན་གྱི་གནས་སུ་ལུང་སྟོན་ན་མཐར་འགྱུར་རོ། །འོན་ཏེ་དེས་འདི་སྙམ་དུ་དེ་ནས་བཟུང་སྟེ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་སྐྱབས་སུ་སོང་ངོ་། །དེ་ནས་བཟུང་སྟེ་ཡང་དག་པར་རྫོགས་པའི་སངས་རྒྱས་ཐམས་ཅད་ལ་སྐྱབས་སུ་སོང་ངོ་སྙམ་དུ་བསམས་ནས་སྨྲས་ན་ཉེས་
D7.012.0009b05.01པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་བདག་ནི་མི་སློབ་པའོ་ཞེས་མཆི་ན་ཅིར་འགྱུར་ལགས། གལ་ཏེ་ཉོན་མོངས་པ་སྤངས་པར་ལུང་སྟོན་ན་མཐར་འགྱུར་རོ། །འོན་ཏེ་དེས་འདི་སྙམ་དུ་བདག་ནི་བཟོ་ཅི་ཡང་མི་སློབ་བོ་སྙམ་དུ་བསམས་ནས་སྨྲས་ན་ཉེས་པ་སྦོམ་པོར་འགྱུར་
D7.012.0009b06.01རོ། །བཙུན་པ་རེ་ཞིག་དགེ་སློང་གིས་འདི་སྐད་ཅེས་བདག་ནི་སློབ་པའོ་ཞེས་མཆི་ན་ཅིར་འགྱུར་ལགས། གལ་ཏེ་སློབ་པར་སྤྱོད་པར་ལུང་སྟོན་ན་མཐར་འགྱུར་རོ། །འོན་ཏེ་དེས་འདི་སྙམ་དུ་ཀུན་ཏུ་སྤྱོད་པ་ལ་སློབ་བོ་སྙམ་དུ་བསམས་ནས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་
D7.012.0009b07.01