完整藏文原文 · 德格版页 当前仅加载第 12 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གི་ཕྱིར་ཁྱིམ་བདག་གམ་ཁྱིམ་བདག་གི་ཆུང་མ་ཉེ་དུ་མ་ཡིན་པས་ཐ་ག་པ་ཉེ་དུ་མ་ཡིན་པ་ལ་ཆོས་གོས་འཐག་ཏུ་བཅུག་པ་ལས་དེ་ལ་གལ་ཏེ་དགེ་སློང་དེ་ལ་སྔར་མ་བསྟབས་པར་རྣམ་པར་རྟོག་པ་འགའ་ཞིག་རིག་ནས་ཐ་ག་པ་ཉེ་
D7.012.0056b01.01དུ་མ་ཡིན་པའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཐ་ག་པ་ཤེས་པར་གྱིས་ཤིག །ཆོས་གོས་འདི་ཁོ་བོའི་ཕྱིར་འཐག་གིས་ཚེ་དང་ལྡན་པ་ཐ་ག་པ་ཆོས་གོས་འདི་བཟང་པོ་ཞེང་ཆེ་བ་དང་། ཁྲུན་རིང་བ་དང་། ཐར་གྱིས་ཞག་པ་དང་། ཐག་རན་བཟང་བར་ལེགས་པར་
D7.012.0056b02.01གྱིས་ཤིག །ཚེ་དང་ལྡན་པ་ཐ་ག་པ་འདི་ལྟར་ཁོ་བོས་གླ་རྔན་འདི་ལྟ་སྟེ། བཟའ་བ་དང་། བཅའ་བ་དང་། བཟའ་རྒྱུ་ཅུང་ཟད་ཅིག་སྦྱིན་ནོ་ཞེས་སྨྲས་ནས། དེ་ལ་གལ་ཏེ་དགེ་སློང་དེས་ཆོས་གོས་བསྒྲུབ་པའི་ཕྱིར་གླ་རྔན་འདི་ལྟ་སྟེ། བཟའ་བ་དང་། བཅའ་བ་དང་། བཟའ་རྒྱུ་
D7.012.0056b03.01ཅུང་ཟད་ཅིག་སྦྱིན་ཞིང་གྲུབ་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ་སྟེ། གཞུང་ལྷག་མ་ནི་འཐག་ཏུ་འཇུག་པའི་སྤང་བ་ལ་ཇི་སྐད་དུ་བཤད་པ་དེ་བཞིན་དུ་ལྷག་པ་འཐག་ཏུ་འཇུག་པའི་སྤང་བ་འདི་ལ་བརྗོད་པར་བྱའོ། །ཐ་དད་དུ་བྱ་བ་ཅི་ཡོད་ཅེ་ན། བཙུན་པ་རེ་ཞིག་དགེ་
D7.012.0056b04.01སློང་གིས་རྣམ་པར་རྟོག་པ་རིག་ནས་ཕོ་ཉ་ལས་བསླངས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ་ཞེས་བྱ་བ་ལ་སོགས་པ་བརྗོད་པར་བྱའོ། །བཙུན་པ་རེ་ཞིག་དགེ་སློང་གིས་རྣམ་པར་རྟོག་པ་རིག་ནས་ཐ་ག་པ་ཉེ་དུ་མ་ལགས་པ་མི་ལ་
D7.012.0056b05.01མིར་འདུ་ཤེས་པས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །
D7.012.0056b06.01མི་མ་ལགས་པ་ལ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །གྲུབ་ན་སྔ་མ་བཞིན་ནོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །གྲུབ་ན་སྔ་མ་བཞིན་ནོ། །བཙུན་པ་རེ་ཞིག་དགེ་སློང་གིས་རྣམ་པར་རྟོག་པར་རིག་ནས་ཐ་ག་པ་ཉེ་དུ་མ་
D7.012.0056b07.01