完整藏文原文 · 德格版页 当前仅加载第 12 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་དགེ་སློང་གི་ཆ་གཉིས་ལུག་བལ་ནག་པོ་འབའ་ཞིག་ལས་མ་བཅུག་གམ། གསུམ་པ་དཀར་པོ་ལས་བཞི་པ་འཁོབ་བལ་ལས་མ་བཅུག་པར་སྟན་སར་པ་བྱེད་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་སྲིན་བལ་གྱི་སྤང་བ་ལ་ཇི་
D7.012.0044b01.01ལྟ་བར་ཆ་གཉིས་ཀྱི་སྤང་བ་ལ་ཡང་བརྗོད་པར་བྱའོ། །དེ་ལ་ཐ་དད་དུ་བྱ་བ་ཅི་ཡོད་ཅེ་ན། དགེ་སློང་གིས་ལུག་བལ་དཀར་པོ་དང་། འཁོབ་བལ་ཉུང་བ་ལ་ཡང་ཉུང་བར་འདུ་ཤེས། ལུག་བལ་ནག་པོ་འབའ་ཞིག་མང་བ་ལ་ཡང་མང་བར་འདུ་ཤེས་པས་སྟན་སར་པ་བགྱིད་དུ་སྩོལ་
D7.012.0044b02.01ན་ཞེས་བཞི་ཚན་དུ་བརྗོད་པར་བྱའོ། །གཉི་གར་ཡང་དགེ་སློང་མ་ལ་ནི་ཉེས་བྱས་སུ་བརྗོད་པར་བྱའོ།། །།སྡོམ་ལ། གཞན་ལས་གཞན་གྱི་འཕྲོ་དང་ནི། །ཁྱིམ་པ་མུ་སྟེགས་ཅན་འགྲོ་དང་། མི་རུང་བ་དང་མཚན་དང་ནི། །བཞི་ཚན་བདེ་གཤེགས་བདུན་ཚན་ནོ། །
D7.012.0044b03.01སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་སྟན་སར་པ་བྱེད་པས་མི་འདོད་བཞིན་དུ་ལོ་དྲུག་ཏུ་བཅང་བར་བྱའོ། །གལ་ཏེ་དགེ་སློང་གིས་ལོ་དྲུག་ཚུན་ཆད་དུ་སྟན་རྙིང་པ་དེ་སྤངས་ཀྱང་རུང་། མ་སྤངས་ཀྱང་རུང་།
D7.012.0044b04.01སྟན་སར་པ་གཞན་བྱེད་ན། དགེ་འདུན་གྱིས་གནང་བ་མ་གཏོགས་ཏེ་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་གཞན་ལས་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །གཞན་གྱི་སླད་དུ་སྟན་སར་
D7.012.0044b05.01པ་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་གཞན་གྱི་སྟན་འཕྲོ་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །མདུན་དུ་ཁྱིམ་པ་ལ་སྟན་སར་པ་བགྱིད་དུ་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་
D7.012.0044b06.01དུ་དགེ་སློབ་མ་དང་། དགེ་ཚུལ་དང་། དགེ་ཚུལ་མ་རྣམས་དང་། བསླབ་པ་སྩལ་བ་དང་། དང་པོ་མི་མཐུན་པ་ཅན་དང་། སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། ཐ་དད་དུ་གནས་པ་དང་། གནས་པར་མི་བྱ་བ་ནས་ཁས་ལེན་པའི་བར་ལ་སྟན་སར་པ་བགྱིད་དུ་སྩོལ་ན་
D7.012.0044b07.01