完整藏文原文 · 德格版页 当前仅加载第 12 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མ་ལགས་པ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། འོན་པ་དང་གླེན་པ་དང་། གཉིད་ཀྱིས་ལོག་པ་དང་། ཕྱག་ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་ལས་ཆོས་གོས་སློང་ན་ཅིར་འགྱུར་ལགས།
D7.012.0036b01.01ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །འདི་ལས་ཕྱི་རོལ་པ་གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་ཉེ་དུ་མ་ལགས་པ་ལ་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་
D7.012.0036b02.01ལགས། ཉེས་བྱས་ཁོ་ནའོ།། །།སྡོམ་ལ། མི་རུང་བ་དང་བཞི་ཚན་ནི། །གཉིས་དང་དེ་བཞིན་མཚན་དང་ནི། །ཟ་མ་མ་ནིང་ཉིད་དེ་བཞིན། །མ་ནིང་མོ་དང་དགེ་སློང་མ། །བཙུན་པ་རེ་ཞིག་དགེ་སློང་གིས་ཁྱིམ་བདག་གམ། ཁྱིམ་བདག་གི་མཆིས་འབྲང་ཉེ་དུ་མ་ལགས་པ་ལ་ཆོས་
D7.012.0036b03.01གོས་བླངས་ཏེ་ཐོབ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། རྒྱུ་རུང་བར་གྱུར་ལ། སྤུན་མི་རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། བ་
D7.012.0036b04.01ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། ཐགས་སུ་མ་བཏགས་པ་དེ་ལྟ་བུའི་ཆོས་གོས་ཤིག་སློང་ན་སློང་བ་དེ་ལ་ཉེས་བྱས་སོ། །ཆོས་གོས་ཐོབ་ན་ཡང་ཉེས་བྱས་ཁོ་ནའོ། །བཙུན་པ་རེ་ཞིག་དགེ་སློང་གིས་ཁྱིམ་བདག་གམ། ཁྱིམ་བདག་གི་མཆིས་
D7.012.0036b05.01འབྲང་ཉེ་དུ་མ་ལགས་པ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །ཉེ་དུ་མ་ལགས་པ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །ཉེ་དུ་ལ་ཉེ་དུ་མ་ལགས་པར་འདུ་
D7.012.0036b06.01ཤེས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །ཉེ་དུ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་མིའི་ཁྱིམ་བདག་གམ། ཁྱིམ་བདག་གི་མཆིས་འབྲང་ལ་མིར་འདུ་ཤེས་
D7.012.0036b07.01