完整藏文原文 · 德格版页 当前仅加载第 12 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་ཉེས་བྱས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཉོ་ཚོང་རྣམ་པ་སྣ་ཚོགས་བྱེད་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་
D7.012.0052b01.01མངོན་མཚན་ཅན་གྱི་སྤྱོད་པ་ལ་བཤད་པ་ཇི་ལྟ་བ་དེ་བཞིན་དུ་ཉོ་ཚོང་འདི་ལ་ཡང་རྒྱས་པར་བརྗོད་པར་བྱའོ།། །།སྡོམ་ལ། དེ་ཉིད་ཉམས་དང་ཡུལ་གཞན་དང་། །མུ་སྟེགས་སོ་བཏང་མིན་དཀར་དང་། །སྨྱོན་པ་མཚན་དང་ཕོ་ཉ་དང་། །ཡོད་དམ་འཚོ་བ་དགེ་སློང་མ། །སངས་
D7.012.0052b02.01རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་ལྷུང་བཟེད་ལྷག་པ་ཞག་བཅུའི་བར་དུ་བཅང་བར་བྱའོ། །དེ་ལས་འདས་པར་འཆང་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་
D7.012.0052b03.01ལྷུང་བཟེད་དེ་ཉིད་བཅངས་ན་ལྟུང་བར་ཡང་འགྱུར་ལ་དེ་ཉིད་བཅངས་ན་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་ལྷུང་བཟེད་ཆེན་པོ་འཆང་བ་ལས་མཚན་གྱུར་ཏེ་དགེ་སློང་མར་རེད་ནས་བཅངས་ན་ཉེས་བྱས་སུ་འགྱུར་རོ། །བཙུན་པ་རེ་
D7.012.0052b04.01ཞིག་དགེ་སློང་གིས་སྤངས་པའི་ལྷུང་བཟེད་ཉམས་ན་ལྟུང་བ་བཤགས་པར་བགྱི་ལགས་སམ། ཉེ་བ་འཁོར་བཤགས་པར་བྱའོ། །ལྟུང་བ་བཤགས་ནས་སླར་རྙེད་ན་སྤང་བར་བགྱི་འམ། ཉེ་བ་འཁོར་མ་ཡིན་ནོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ལྷུང་
D7.012.0052b05.01བཟེད་ལྷག་པ་ཞག་བཅུའི་བར་དུ་བཅང་བར་བྱའོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་ལྷུང་བཟེད་ལྷག་པ་དགུང་བཅུའི་བར་བས་ཐལ་བར་བཅངས་ལ། འདི་ལས་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་
D7.012.0052b06.01སློང་གིས་ཡུལ་གཞན་ནས་དགེ་སློང་ཞིག་ལ་དགེ་སློང་གི་ལག་ཏུ་ལྷུང་བཟེད་གཅིག་བསྐུར་ན། དེས་ལྷུང་བཟེད་དེ་ཡུན་ཤིན་ཏུ་རིང་པོར་བཅངས་ཀྱང་ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་མུ་སྟེགས་ཅན་གྱི་སྣོད་བཅངས་ན་ཅིར་འགྱུར་ལགས།
D7.012.0052b07.01