完整藏文原文 · 德格版页 当前仅加载第 63 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཨཱརྱ་བུད་དྷ་སང་གཱི་ཏི་ནཱ་མ་མ་ཧ་ཡཱ་ན་སཱུ་ཏྲ། བོད་སྐད་དུ། འཕགས་པ་སངས་རྒྱས་བགྲོ་བ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་
D228.063.0189a01.01ཐོས་པ་དུས་གཅིག་ན། བཅོམ་ལྡན་འདས་ཡུལ་དབུས་གྱུར་འཆང་ན་ཡུལ་དབུས་གྱུར་འཆང་བ་རྣམས་ཀྱི་ཤིང་། ཨ་མྲ་སྟུག་པོའི་ཚལ་གྱི་གྲོང་འདབ། རི་བཟང་པོ་བཻ་དེ་ཧའི་དབང་པོའི་བྲག་གི་ཕུག་ན། དགེ་སློང་ལྔ་སྟོང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་ཉི་ཁྲི་ལྔ་
D228.063.0189a02.01སྟོང་དང་ཐབས་ཅིག་ཏུ་བཞུགས་ཏེ། ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ། བྱང་ཆུབ་སེམས་དཔའ་འཇམ་དཔལ་དང་། བྱམས་པ་ལ་སོགས་པ་དང་ཐབས་ཅིག་གོ། །ལྷའི་བུ་བརྒྱད་ཁྲི་བཞི་སྟོང་དང་ཡང་ཐབས་ཅིག་སྟེ། ཐམས་
D228.063.0189a03.01ཅད་ཀྱང་བྱང་ཆུབ་སེམས་དཔའི་ཐེག་པ་ལ་གནས་པ་ཤ་སྟག་གོ། །ཡང་དེའི་ཚེ་ན་འཇིག་རྟེན་དུ་རྙོག་པ་ལྔ་དག་བྱུང་སྟེ། འདི་ལྟ་སྟེ། ཚེའི་རྙོག་པ་དང་། སེམས་ཅན་གྱི་རྙོག་པ་དང་། བསྐལ་པའི་རྙོག་པ་དང་། ཉོན་མོངས་པའི་རྙོག་པ་དང་། ལྟ་བའི་རྙོག་པ་བྱུང་བའི་ཕྱིར་འཁོར་
D228.063.0189a04.01བཞི་ཡང་དག་པར་རྫོགས་པའི་སངས་རྒྱས་ཀྱི་དྲུང་དུ་འདི་ལྟ་སྟེ། ཆོས་ཉན་པའི་ཕྱིར་ཤིན་ཏུ་འོང་བར་མ་གྱུར། འོངས་ནས་ཀྱང་ཆོས་ལ་འཐུན་པར་མི་བྱེད། དེ་བཞིན་གཤེགས་པ་ལའང་བཀུར་སྟི་མི་བྱེད་དེ། སེམས་ཅན་དག་ཆོས་བཤད་པས་སྐྱོ་ཞིང་འཁོད་ནས་བྲེལ་བ་སྣ་
D228.063.0189a05.01ཚོགས་ཀྱིས་བྲེལ་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཀྱེ་མའོ་སེམས་ཅན་འདི་དག་ནི་ཡོངས་སུ་སྐྱོ་སྟེ། ཆོས་བཤད་པ་ཁོང་དུ་མི་ཆུད། ཆོས་ཉན་པ་དང་། དེ་བཞིན་གཤེགས་པ་ལ་ལྟ་བའི་ཕྱིར་མི་འོང་། ཆོས་ཉན་པའི་ཕྱིར་འོངས་སུ་ཟིན་ཀྱང་དེ་ལྟར་
D228.063.0189a06.01འཐུན་པར་མི་བྱེད། བཀའ་ཡིན་པར་སེམས་མི་འཇོག་གིས། གང་ངས་ནང་དུ་ཡང་དག་འཇོག་གི་ཚུལ་གྱིས་སྐྱེ་བོ་རྣམས་ཡོངས་སུ་སྐོམ་པར་བྱའོ། །སངས་རྒྱས་ཀྱི་ཞིང་གཞན་དག་ཏུ་ཡང་སངས་རྒྱས་བཅོམ་ལྡན་འདས་གཞན་དག་དང་ལྷན་ཅིག་ཏུ་སངས་རྒྱས་བགྲོ་བ་
D228.063.0189a07.01