完整藏文原文 · 德格版页 当前仅加载第 63 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །དེ་ནི་བདག་དེ་བཞིན་གཤེགས་པ་ལ་ཞུ་ན་ཅིའི་སླད་དུ་བདག་འཁོར་འདི་ནས་རི་ཁོར་ཡུག་གི་རྩེ་མོར་འཕངས་ལ། སྲིང་མོ་འདི་མ་འཕངས་པར་གྱུར་ཅེས་དེ་སྐད་གསོལ་པ་དང་། དེ་བཞིན་གཤེགས་པ་འཇུག་སྲེད་ཀྱི་རྒྱལ་པོས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་
D228.063.0211b01.01བཀའ་སྩལ་ཏོ། །འཇམ་དཔལ་སངས་རྒྱས་བཅོམ་ལྡན་འདས་རྣམས་ཀྱི་ཆོས་བཤད་པ་གང་དུ་ཡང་ཁྱོད་སྣོད་དུ་མ་གྱུར་པ་དེ་ནི་འགའ་ཡང་མེད་མོད་ཀྱི། འཇམ་དཔལ་སངས་རྒྱས་བཅོམ་ལྡན་འདས་རྣམས་ནི་མཉེས་པར་དཀའ་སྟེ། དུས་ཐམས་ཅད་དུ་ཕ་རོལ་གྱིས་ཆོས་སྤྱོད་པ་
D228.063.0211b02.01ལ་ལན་གདབ་པར་མི་ནུས་ཏེ། འཇམ་དཔལ་ཁྱོད་ཐོག་མ་ཁོ་ནར་འཇིག་རྟེན་གྱི་ཁམས་མི་མཇེད་པ་ནས་འབྱུང་བའི་ཚེ་འདི་སྙམ་དུ་གྱུར་ཏེ། དེ་རིང་ཀུན་དུ་འོད་ཀྱི་འཇིག་རྟེན་གྱི་ཁམས་སུ་སངས་རྒྱས་བཅོམ་ལྡན་འདས་རྣམས་སངས་རྒྱས་བགྲོ་བ་ཞེས་བྱ་བའི་ཆོས་ཀྱི་རྣམ་གྲངས་འཆད་
D228.063.0211b03.01ཀྱིས། བདག་ནི་དེར་སངས་རྒྱས་བཅོམ་ལྡན་འདས་རྣམས་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། ཆོས་བསྟན་པ་དེ་དག་མཉན་པའི་ཕྱིར་འགྲོའོ་སྙམ་དུ་གྱུར་ཏོ། །འཇམ་དཔལ་ཁྱོད་ནི་སྤོབས་པ་ཆེན་པོ་དང་། དམིགས་པ་ཆེན་པོ་དང་། རྟོག་པ་
D228.063.0211b04.01ཆེན་པོ་དང་། ཡོངས་སུ་རྟོག་པ་ཆེན་པོས་སངས་རྒྱས་ཀྱི་ཞིང་དེ་ནས་སོང་སྟེ་སངས་རྒྱས་རྣམས་བལྟའོ། །ཆོས་ཀྱང་མཉན་དུ་འགྲོའོ་སྙམ་དུ་སེམས་ཏེ། འཇམ་དཔལ་ཁྱོད་ནི་ཆགས་པ་གསུམ་གྱིས་ཆགས་ཤིང་སངས་རྒྱས་ཀྱི་ཞིང་དེ་ནས་སངས་རྒྱས་ཀྱི་ཞིང་
D228.063.0211b05.01འདིར་འོངས་སོ། །གསུམ་གང་ཞེ་ན། བདག་ཏུ་དམིགས་པ་དང་། སངས་རྒྱས་སུ་དམིགས་པ་དང་། ཆོས་སུ་དམིགས་པའོ། །འཇམ་དཔལ་བྱང་ཆུབ་སེམས་དཔའ་དམིགས་པ་ལ་སྤྱོད་ན་མ་ཆགས་པ་ཐོབ་པར་འགྱུར་བ་མེད་དོ། །འཇམ་དཔལ་དེ་ཇི་སྙམ་དུ་སེམས།
D228.063.0211b06.01དེ་བཞིན་གཤེགས་པ་ལ་སུས་ཀྱང་ཤེས་པ་འམ། མཐོང་བའམ། དེ་བཞིན་གཤེགས་པ་ལས་གཞན་པའི་ཆོས་གང་ཡང་མཐོང་བར་ནུས་སམ། འཇམ་དཔལ་གྱིས་གསོལ་པ། བཅོམ་ལྡན་འདས་ཆོས་རྣམས་ཀྱི་ཆོས་ཉིད་དེ་ལ་ནི་དེ་བཞིན་གཤེགས་པ་ལ་ཡང་
D228.063.0211b07.01