完整藏文原文 · 德格版页 当前仅加载第 63 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
ཡི་གེའི་རྣམ་པའི་སྒོར་འཇུག་པའོ། །ཡི་གེའི་རྣམ་པའི་སྒོར་འཇུག་པ་གང་ཞེ་ན། ཨའི་སྒོ་ནི་ཆོས་ཐམས་ཅད་མི་སྐྱེ་བ་དང་སྐྱེ་མཆེད་མི་དམིགས་པའི་ཕྱིར་རོ། །རའི་སྒོ་ནི་ཆོས་ཐམས་ཅད་རྡུལ་དང་བྲལ་བའི་ཕྱིར་རོ། །པའི་སྒོ་ནི་ཆོས་ཐམས་ཅད་དོན་དམ་པར་
D228.063.0202a01.01བསྟན་པའི་ཕྱིར་རོ། །ཙའི་སྒོ་ནི་ཆོས་ཐམས་ཅད་འཆི་འཕོ་དང་སྐྱེ་བ་དང་བྲལ་བའོ། །ནའི་སྒོ་ནི་ཆོས་ཐམས་ཅད་མིང་དང་བྲལ་བའོ། །མིང་གི་རང་བཞིན་ཅན་མ་ཐོབ་པ་མ་སྟོར་བའོ། །ལའི་སྒོ་ནི་ཆོས་ཐམས་ཅད་འཇིག་རྟེན་ལས་འདས་ཤིང་སྲེད་པའི་ལྕུག་མའི་རྒྱུ་དང་རྐྱེན་བཅོམ་པའི་
D228.063.0202a02.01ཕྱིར་རོ། །དའི་སྒོ་ནི་ཆོས་ཐམས་ཅད་དུལ་བ་དང་དུལ་ནས་ཡོངས་སུ་ཆད་པའི་ཕྱིར་རོ། །བའི་སྒོ་ནི་ཤིན་ཏུ་དབེན་པའི་ཕྱིར་ཆོས་ཐམས་ཅད་བཅིངས་པ་དང་བྲལ་བའོ། །རའི་སྒོ་ནི་ཆོས་ཐམས་ཅད་གཟུགས་ལ་སོགས་པ་སྟོང་པ་ཉིད་ཀྱི་ཕྱིར་རོ། །སའི་སྒོ་ནི་ཆོས་ཐམས་ཅད་ཆགས་
D228.063.0202a03.01པ་མི་དམིགས་པའི་ཕྱིར་ཆགས་པ་མེད་དགྲོལ་བ་མེད་པའོ། །བའི་སྒོ་ནི་ཆོས་ཐམས་ཅད་ངག་གི་ལམ་གྱི་སྒོ་ཡོངས་སུ་ཆད་པའོ། །ཏའི་སྒོ་ནི་ཆོས་ཐམས་ཅད་དེ་བཞིན་ཉིད་ལས་མི་གཡོ་བའོ། །ཡའི་སྒོ་ནི་ཆོས་ཐམས་ཅད་ཇི་ལྟ་བཞིན་གྱི་ཕྱིར་རོ། །སྟའི་སྒོ་ནི་ཆོས་ཐམས་ཅད་
D228.063.0202a04.01ལ་ཁེངས་པ་མེད་དེ་ཆགས་པ་མེད། ཞེ་སྡང་བ་མེད་པའོ། །ཀའི་སྒོ་ནི་ཆོས་ཐམས་ཅད་དག་ལ་བྱེད་པོ་བ་མེད་པའོ། །སའི་སྒོ་ནི་ཆོས་ཐམས་ཅད་མཉམ་པ་ཉིད་ལས་མི་ལྡོག་པའོ། །མའི་སྒོ་ནི་ཆོས་ཐམས་ཅད་དྲི་མ་དང་བྲལ་བ་ཤིན་ཏུ་དྲི་མ་མེད་པ། སྐྱོན་མེད་པ། རྙོག་
D228.063.0202a05.01པ་མེད་པའོ། །གའི་སྒོ་ནི་ཆོས་ཐམས་ཅད་གཟུང་བ་དང་། གཟུང་བ་མེད་པའི་མི་དམིགས་པའི་ཕྱིར་ཟབ་པ། ནམ་མཁའི་ངོས་དང་འདྲ་བ་ཤིན་ཏུ་དབེན་པའོ། །སྠའི་སྒོ་ནི་ཆོས་ཐམས་ཅད་ཐང་དང་བྲལ་བ། རླན་པ་དང་བྲལ་བ་སྟེ། ཚུ་རོལ་དང་ཕ་རོལ་མེད་པའོ། །ཛའི་
D228.063.0202a06.01སྒོ་ནི་ཆོས་ཐམས་ཅད་སྐྱེ་བ་དང་། རྒ་བ་དང་། འཆི་བ་མི་དམིགས་པའི་ཕྱིར་རོ། །ཤྭའི་སྒོ་ནི་ཆོས་ཐམས་ཅད་དབུགས་དང་དབུགས་ནང་དུ་རྔུབ་པ་དང་། དབུགས་ཕྱིར་འབྱིན་པ་དང་། དབུགས་ནང་དུ་འགྲོ་བ་དང་། དབུགས་ཕྱིར་འགྲོ་བ་དང་བྲལ་བའོ། །དྷཱའི་སྒོ་ནི་ཆོས་
D228.063.0202a07.01