完整藏文原文 · 德格版页 当前仅加载第 63 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱ་བར་འགྱུར་བ་དེའི་ཚེ་ན་བདག་ཀྱང་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་མོད་ཀྱི། འཇམ་དཔལ་བྱང་ཆུབ་ལ་མངོན་པར་འཚང་རྒྱ་བའམ། ཐོབ་པར་ནུས་སམ། དེ་ནས་འཇམ་དཔལ་གཞོན་ནུར་གྱུར་པ་ཅང་མི་སྨྲ་བར་གྱུར་པ་དང་། སྲིང་མོ་དེས་འདི་སྐད་ཅེས་སྨྲས་སོ། །འཇམ་
D228.063.0223b01.01དཔལ་ཅང་མི་སྨྲ་བར་བྱ་བ་དུས་ལ་མ་བབ་ཀྱིས་ཤོད་ཅིག །འཇམ་དཔལ་གྱིས་སྨྲས་པ། སྲིང་མོ་བྱང་ཆུབ་ནི་བཤད་དུ་མེད་ན་དེའི་ཕྱིར་ཅི་བཤད་མ་འཚལ་ཏོ། །དེ་ནས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོ་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་
D228.063.0223b02.01ལྡན་འདས་སྲིང་མོ་འདི་ཡེ་ཤེས་བསམ་གྱིས་མི་ཁྱབ་པ་དང་ལྡན་ཞིང་འདི་འདྲ་བའི་བསྟན་པ་སྟོན་པར་བགྱིད། བགྱིད་པ་ངོ་མཚར་ན། བཅོམ་ལྡན་འདས་སྲིང་མོ་འདིས་ཡུན་ཇི་སྲིད་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད། ཇི་སྲིད་ནས་བྱང་ཆུབ་མངོན་
D228.063.0223b03.01པར་རྫོགས་པར་འཚང་རྒྱ་བར་འགྱུར། འདི་སངས་རྒྱས་ཀྱི་ཞིང་ཇི་ལྟ་བུར་འགྱུར། འདིའི་མིང་ཅིར་འགྱུར། བཅོམ་ལྡན་འདས་ཀྱིས་བཀའ་སྩལ་པ། སྲིང་མོ་འདིས་བྱང་ཆུབ་ཀྱི་ཕྱིར་སྤྱད་ནས་བསྐལ་པ་གྲངས་མེད་པ་བྱེ་བ་ཁྲག་ཁྲིག་བརྒྱ་ཕྲག་སྟོང་གི་ཕྲག་དགུ་བཅུ་རྩ་དགུ་འདས་
D228.063.0223b04.01པ་དང་། དེའི་འོག་ཏུ་ཁྱོད་ཀྱིས་བྱང་ཆུབ་ཏུ་སེམས་བསྐྱེད་དོ། །འཇམ་དཔལ་གྱིས་གསོལ་པ། སྲིང་མོ་འདིས་གང་གི་དྲུང་དུ་བྱང་ཆུབ་ཏུ་སེམས་བསྐྱེད་པའི་དེ་བཞིན་གཤེགས་པ་དེའི་མཚན་ཅི་ལགས། བཀའ་སྩལ་པ། འཇམ་དཔལ་དེ་བཞིན་གཤེགས་པ་དཀོན་མཆོག་
D228.063.0223b05.01འབྱུང་བ་ཞེས་བྱ་བ་ཞིག་བྱུང་སྟེ། འདིས་དེ་བཞིན་གཤེགས་པ་དཀོན་མཆོག་འབྱུང་བའི་དྲུང་དུ་བྱང་ཆུབ་ཏུ་སེམས་བསྐྱེད་དོ། །དེའི་སངས་རྒྱས་ཀྱི་ཞིང་གི་ཡོན་ཏན་བཀོད་པར་གྱུར་པ་དེ་དག་བསྐལ་པ་གང་གཱའི་ཀླུང་གི་བྱེ་མ་སྙེད་དུ་བཤད་ཀྱང་ཆ་ཙམ་ཡང་བཤད་པར་མི་འགྱུར་ཏེ། སྲིང་
D228.063.0223b06.01མོ་འདིས་ནི་དེར་བྱང་ཆུབ་ཏུ་སེམས་བསྐྱེད་དོ། །གསོལ་པ། ཅི་བུད་མེད་དུ་གྱུར་པ་ལགས་སམ། བཀའ་སྩལ་པ། དེ་ནི་མ་ཡིན་ཏེ། འདི་ནི་དེའི་ཚེ་དེའི་དུས་ན། འཁོར་ལོས་སྒྱུར་བའི་རྒྱལ་པོ་སྒྲ་དང་བྲལ་བ་ཞེས་བྱ་བར་གྱུར་ཏེ། འཇམ་དཔལ་སྲིང་མོ་འདི་ལ་ནི་བུད་མེད་
D228.063.0223b07.01