完整藏文原文 · 德格版页 当前仅加载第 63 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཀྱང་ཡུན་དེ་སྲིད་དུ་མཆོད་པ་བྱས་ན་བྱང་ཆུབ་སེམས་དཔའ་བསོད་ནམས་མང་དུ་འཕེལ་བར་འགྱུར་རམ། མ་ཕམ་པས་གསོལ་པ། བཅོམ་ལྡན་འདས་བདག་གིས་དཔེ་འདི་ཐོས་ནས་སེམས་ཀྱང་རྨོངས་པར་འགྱུར་ཏེ། དེ་ལྟར་བསོད་ནམས་ཀྱི་ཕུང་པོ་དཔག་
D228.063.0226a01.01ཏུ་མ་མཆིས་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། མ་ཕམ་པ་གང་ཆོས་ཀྱི་རྣམ་གྲངས་འདི་ལེན་པར་བྱེད། འཛིན་པར་བྱེད། ཀློག་པར་བྱེད། ཀུན་ཆུབ་པར་བྱེད། གཞན་ལ་ཡང་རྒྱ་ཆེར་སྟོན་པར་བྱེད་ཅིང་ཆུང་ངུ་ན་ཐོས་ནས་མོས་པར་བྱེད་པའི་བྱང་ཆུབ་སེམས་
D228.063.0226a02.01དཔའ་དེ་ནི་དེ་བས་ཀྱང་ཤིན་ཏུ་བསོད་ནམས་མང་དུ་འཕེལ་བར་འགྱུར་རོ། །མ་ཕམ་པ་ང་ད་མྱ་ངན་ལས་འདས་ནས་གང་བུད་མེད་ལ་ལ་ཞིག་གིས་སྲིང་མོ་ཐེ་ཚོམ་སེལ་བ་དེའམ། བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་དེའམ། དེ་བཞིན་གཤེགས་པ་འཇུག་
D228.063.0226a03.01སྲེད་ཀྱི་རྒྱལ་པོ་དེའི་མཚན་ཐོས་སམ། ཆུང་ངུ་ན་ཆོས་ཀྱི་རྣམ་གྲངས་འདི་ཐོས་ན། དེ་ཉིད་དེའི་ལུས་ཐ་མར་གྱུར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་མྱུར་དུ་མངོན་པར་རྫོགས་པར་འཚང་རྒྱ་བར་འགྱུར་རོ། །ཚེ་འདས་ནས་ཀྱང་སངས་རྒྱས་འབྱུང་བ་མཉེས་པར་
D228.063.0226a04.01བྱེད་པར་འགྱུར་རོ། །མི་ཁོམ་པ་བརྒྱད་ཀྱང་ཡོངས་སུ་སྤོང་བར་འགྱུར་རོ། །ཚེ་རབས་ཀྱང་དྲན་པར་འགྱུར་རོ། །གཟུངས་ཀྱང་ཐོབ་པར་འགྱུར་རོ། །སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱང་ཐོབ་པར་འགྱུར་རོ། །གཞན་ཡང་མངལ་དུ་མི་གནས་པར་འགྱུར་རོ། །དེ་ཅིའི་
D228.063.0226a05.01ཕྱིར་ཞེ་ན། སྐྱེས་བུ་དམ་པ་དེ་དག་ནི་བུད་མེད་གང་དག་བདག་ཅག་གི་མིང་ཐོས་པ་དེ་ཡོན་ཏན་འདི་དག་དང་ལྡན་པར་གྱུར་ཅིག་ཅེས་སྨོན་ལམ་འདེབས་པའི་ཕྱིར་རོ། །བཅོམ་ལྡན་འདས་དགྱེས་ཤིང་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པ་དང་། ལྷ་
D228.063.0226a06.01དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའོ། །སངས་རྒྱས་བགྲོ་བ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།ལོ་ཙྪ་བ་བན་དེ་དཔལ་དབྱངས་དང་དཔལ་བརྩེགས་ཀྱིས་བསྒྱུར་ཅིང་ཞུས།། །།
D228.063.0226a07.01