完整藏文原文 · 德格版页 当前仅加载第 63 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་འབྲེལ་པར་འབྱུང་བའི་ཆོས་ཞེས་བྱ་བ་ནི་རྐྱེན་མེད་ན་ཆོས་གང་ཡང་མི་འབྱུང་བ་སྟེ། དེ་ལྟར་ཁྱེད་ཀྱིས་རྟེན་ཅིང་འབྲེལ་པར་འབྱུང་བ་ཁོང་དུ་ཆུད་པར་བྱའོ། །དགའ་བོ་དེ་ལ་རྟེན་ཅིང་འབྲེལ་པར་འབྱུང་བ་ཇི་ལྟ་བ་ཡང་དག་པར་རྟོགས་པ་གང་ཞེ་ན། རྟེན་ཅིང་འབྲེལ་པར་འབྱུང་བ་ནི་མི་
D228.063.0191b01.01སྐྱེ་བ་ཡིན་ཏེ། དེ་ལ་ཇི་ལྟར་རྟོགས་པར་འགྱུར་ཞེ་ན། མི་སྐྱེ་བ་ལ་བཟོད་པ་ཡིན་ཏེ། དེ་ལ་ཡང་རློམ་སེམས་མི་བྱེད་པ་དེ་ནི་རྟེན་ཅིང་འབྲེལ་པར་འབྱུང་བ་ལ་ཇི་ལྟ་བ་ཡང་དག་པར་རྟོགས་པའོ། །དགའ་བོ་ཁྱོད་ཀྱིས་འཕགས་པའི་བདེན་པའི་རབ་ཏུ་ཐ་དད་པ་ལས་བརྩམས་ཏེ་
D228.063.0191b02.01སེམས་ཅན་རྣམས་ལ་ཆོས་བཤད་པར་བྱའོ། །དགའ་བོ་འཕགས་པའི་བདེན་པའི་རབ་ཏུ་ཐ་དད་པ་གང་ཞེ་ན། དགའ་བོ་གང་འཕགས་པའི་བདེན་པ་དེ་ཉོན་ཅིག །དགའ་བོ་འཕགས་པའི་བདེན་པ་ནི་བདེན་པ་ཡང་མ་ཡིན་{བརྫུན་,རྫུན་}པ་ཡང་མ་ཡིན་ཏེ། གང་བདེན་པ་ཡང་མ་ཡིན་{བརྫུན་,རྫུན་}པ་
D228.063.0191b03.01ཡང་མ་ཡིན་པ་དེ་ནི་འཕགས་པའི་བདེན་པ་ཞེས་བྱའོ། །བདེན་པ་དེའི་རབ་ཏུ་ཐ་དད་པ་ཇི་སྙེད་ཅིག་ཡོད་ཅེ་ན། མི་སྐྱེ་བའི་བདེན་པ་དང་། ཇི་ལྟ་བཞིན་གྱི་བདེན་པ་དང་། འདོད་ཆགས་དང་བྲལ་བའི་བདེན་པ་དང་། འགོག་པའི་བདེན་པ་དང་། མྱ་ངན་ལས་འདའ་བའི་བདེན་
D228.063.0191b04.01པ་དང་། རྣམ་པར་གྲོལ་བའི་བདེན་པ་དང་། དངོས་པོ་མེད་པའི་བདེན་པ་དང་། མ་སྤྲོས་པའི་བདེན་པ་དང་། མི་རྒྱུ་བའི་བདེན་པ་དང་། ལྷུན་གྱིས་གྲུབ་པའི་བདེན་པ་དང་། མི་ལེན་པའི་བདེན་པ་དང་། མི་གཏོང་བའི་བདེན་པ་དང་། མ་བྱས་པའི་བདེན་པ་དང་། མི་བྱེད་པའི་བདེན་པ་
D228.063.0191b05.01དང་། མི་ལྟུང་བའི་བདེན་པ་དང་། གནས་མེད་པའི་བདེན་པ་དང་། དགའ་བོ་ཆོས་གང་མི་སྐྱེ་བ་དང་། མི་འབྲི་བ་དང་། མི་གནས་པ་དང་། གཞན་དུ་མི་འགྱུར་བ་དེ་ནི་བདེན་པ་ཞེས་བྱ་སྟེ། དགའ་བོ་དེ་ལས་དགོངས་ཏེ་དེ་བཞིན་གཤེགས་པ་དག་འཕགས་པའི་གང་ཟག་ནི་
D228.063.0191b06.01འདུས་མ་བྱས་པས་བསྐྱེད་པའོ་ཞེས་ཆོས་འཆད་དོ། །གང་སྡུག་བསྔལ་ལ་མི་སྐྱེ་བར་ཤེས་པ་འདི་ནི་འཕགས་པའི་སྡུག་བསྔལ་བདེན་པ་སྟེ་དེ་ནི་སྡུག་བསྔལ་རྟོགས་པའོ། །གང་ཀུན་འབྱུང་བ་མི་རྒྱུ་བར་རྒྱུ་ཡོངས་སུ་ཤེས་པ་འདི་ནི་སྡུག་བསྔལ་གྱི་ཀུན་འབྱུང་བ་རྟོགས་པའོ། །
D228.063.0191b07.01