完整藏文原文 · 德格版页 当前仅加载第 63 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་འཇིག་རྟེན་གྱི་ཁམས་སུ་འདི་ལྟ་སྟེ། སངས་རྒྱས་བགྲོ་བ་ཞེས་བྱ་བའི་ཆོས་ཀྱི་རྣམ་གྲངས་བཤད་ཅིང་བསྟན་པའི་ཕྱིར་གཤེགས་པར་གྱུར་ཏོ། །དེའི་ཕྱིར་སངས་རྒྱས་བགྲོ་བ་ཞེས་བྱའོ། །སངས་རྒྱས་བཅོམ་ལྡན་འདས་རྣམས་ནི་སྐྱེ་བོ་ཕྱི་མ་དག་གི་ཕྱིར་སངས་རྒྱས་བགྲོ་བ་མཛད་
D228.063.0195b01.01པ་མ་གཏོགས་པར་གཞན་ཅུང་ཟད་ཀྱང་མཛད་པ་མེད་དེ། དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས་ཅི་ནས་ཀྱང་སེམས་ཅན་ཆོས་འདོད་པ་དག་འབྱུང་ཞིང་སངས་རྒྱས་བཅོམ་ལྡན་འདས་ཆོས་ཀྱི་རྗེ་དེ་དག་ཀྱང་ཆོས་བགྲོ་བར་མཛད་ན་བདག་ཅག་གིས་ལྟ་ཅིའི་ཕྱིར་ཆོས་མི་བགྲོ་
D228.063.0195b02.01སྙམ་དུ་སེམས་པར་འགྱུར་བའི་དོན་དེ་གཟིགས་ནས་སངས་རྒྱས་བཅོམ་ལྡན་འདས་སངས་རྒྱས་ཀྱི་བགྲོ་བ་མཛད་དོ། །ཡང་དེའི་ཚེ་ན་ཀུན་དུ་འོད་ཅེས་བྱ་བའི་འཇིག་རྟེན་གྱི་ཁམས་དེར་སངས་རྒྱས་བཅོམ་ལྡན་འདས་དཔག་ཏུ་མེད་གྲངས་མེད་པ་དག་ཚོགས་པར་གྱུར་ཏོ། །ཅིའི་ཕྱིར་ན།
D228.063.0195b03.01འཇིག་རྟེན་གྱི་ཁམས་ཀུན་དུ་འོད་ཅེས་བྱ་ཞེ་ན་སངས་རྒྱས་ཀྱི་ཞིང་དེ་ན་ཉན་ཐོས་དང་རང་སངས་རྒྱས་དག་གིས་མིང་ཡང་མི་གྲག་སྟེ། སངས་རྒྱས་ཀྱི་ཞིང་དེ་བྱང་ཆུབ་སེམས་དཔའ་འབའ་ཞིག་གིས་ཡོངས་སུ་གང་ལ། བྱང་ཆུབ་སེམས་དཔའ་དེ་དག་ཀྱང་འོད་རང་ལས་འབྱུང་ཞིང་ལུས་
D228.063.0195b04.01གསེར་གྱི་ཁ་དོག་ལྟ་བུ་དང་། མཚན་ཡོངས་སུ་རྫོགས་པ་སྣ་ཚོགས་ཀྱི་རིགས་དང་ལྡན་ཞིང་ཀུན་དུའང་བྱང་ཆུབ་སེམས་དཔའ་དེའི་འོད་འབྱུང་བས་ན་དེའི་ཕྱིར་འཇིག་རྟེན་གྱི་ཁམས་ཀུན་དུ་འོད་ཅེས་བྱའོ། །དེ་ལ་སངས་རྒྱས་བགྲོ་བ་གང་ཡིན་ཞེ་ན། འདི་ལྟ་སྟེ། ཆོས་ཐམས་ཅད་ཀྱི་
D228.063.0195b05.01ཚུལ་ཡང་དག་པ་ཇི་ལྟ་བ་བཞིན་དུ་རྟོགས་པའོ། །དེ་ལ་ཆོས་ཐམས་ཅད་ནི་གང་། ཚུལ་ནི་གང་། རྟོགས་པ་ནི་གང་ཞེ་ན། ཆོས་ཐམས་ཅད་ནི་ཆོས་གཅིག་པ་སྟེ། ཆོས་དེ་ཡང་ཆོས་དང་ཆོས་མ་ཡིན་པར་ཡང་སུས་ཀྱང་བཤད་མི་ནུས་སོ། །དེ་ཅིའི་ཕྱིར་ཞེ་ན། དེ་དག་ཀྱང་མ་
D228.063.0195b06.01སྐྱེས་པ་མ་བྱུང་བ་སྟེ། དེ་དག་ནི་ཆོས་ཀྱི་སྒྲས་བཤད་མོད་ཀྱི། གང་ནང་གི་སྐྱེ་མཆེད་དྲུག་དང་། ཕྱིའི་སྐྱེ་མཆེད་དྲུག་དང་། ཕུང་པོ་དང་། ཁམས་ཞེས་བྱ་བ་དེ་དག་ནི་ཆོས་ཐམས་ཅད་ཅེས་བྱ་སྟེ། དེ་དག་ཐམས་ཅད་ཀྱང་བརྗོད་པ་ཙམ་དུ་ཟད་དོ། །གང་ཆོས་ཐམས་ཅད་ཀྱི་བྱེད་པ་མེད་
D228.063.0195b07.01