完整藏文原文 · 德格版页 当前仅加载第 63 函德格 210a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་བཅུའི་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་དཔག་ཏུ་མེད་པར་འགྲོ་ཞིང་འོང་བ་ངོ་མཚར་ཏོ། །འཇམ་དཔལ་གྱིས་སྨྲས་པ། ལྷའི་བུ་བདག་ནི་རྫུ་འཕྲུལ་གྱི་མཐུ་ཆོ་འཕྲུལ་ཐོབ་པ་ཡང་མ་ཡིན། །སངས་རྒྱས་བཅོམ་ལྡན་འདས་རྣམས་ཀྱི་ཉན་ཐོས་
D228.063.0210a01.01ཀྱང་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་ནི་མ་གཏོགས་ཤིང་ཟད་པ་མེད་པའི་ཕྱིར་རོ། །ལྷའི་བུ་བྱིས་པ་ལྟ་བུ་སོ་སོའི་སྐྱེ་བོ་ཐམས་ཅད་ནི་རྫུ་འཕྲུལ་གྱི་མཐུའི་ཆོ་འཕྲུལ་ཐོབ་པའོ། །དེ་ཅིའི་ཕྱིར་ཞེ་ན། དེ་ལྟར་ལྷའི་བུ་སངས་རྒྱས་ཐམས་ཅད་དང་། བྱང་ཆུབ་སེམས་དཔའ་
D228.063.0210a02.01ཐམས་ཅད་དང་། ཉན་ཐོས་ཐམས་ཅད་དང་། རང་སངས་རྒྱས་ཐམས་ཅད་ཀྱིས་བསྐལ་པ་གྲངས་མེད་པར་བཙལ་ཀྱང་ཆོས་གང་ཡང་ཐོབ་པར་མ་གྱུར། མ་ཐོབ་མི་འཐོབ་བོ། །བྱིས་པ་ལྟ་བུ་སོ་སོའི་སྐྱེ་བོ་ཐམས་ཅད་ཀྱིས་ནི་ཐོབ་བོ། །ཅི་ཐོབ་ཅེ་ན། བདག་ཐོབ་བོ། །སེམས་ཅན་
D228.063.0210a03.01དང་། སྲོག་དང་། སྐྱེ་བ་པོ་དང་། གསོ་བ་པོ་དང་། གང་ཟག་དང་། ཤེད་ལས་སྐྱེས་པ་དང་། ཤེད་བུ་དང་། ཆད་པ་དང་། རྟག་པ་དང་། འདོད་ཆགས་དང་། ཞེ་སྡང་དང་། གཏི་མུག་ཐོབ་བོ། །གང་སངས་རྒྱས་རྣམས་ཀྱིས་ཆོས་མ་ཐོབ་པ་མ་བསྐྱེད་པ་དེ་སྐྱེད་པར་བྱེད་པས་
D228.063.0210a04.01ན། ལྷའི་བུ་དེའི་ཕྱིར་བྱིས་པ་ལྟ་བུ་སོ་སོའི་སྐྱེ་བོ་རྣམས་ནི་རྫུ་འཕྲུལ་གྱི་མཐུ་ཐོབ་པ་ཡིན་གྱི་སངས་རྒྱས་རྣམས་མ་ཡིན། བྱང་ཆུབ་སེམས་དཔའ་རྣམས་མ་ཡིན། རང་སངས་རྒྱས་རྣམས་མ་ཡིན། ཉན་ཐོས་རྣམས་མ་ཡིན་ནོ། །དེ་ནས་སངས་རྒྱས་བཅོམ་ལྡན་འདས་དེ་དག་
D228.063.0210a05.01སངས་རྒྱས་བགྲོ་བའི་ཆོས་ཀྱི་རྣམ་གྲངས་རྒྱ་ཆེར་བཤད་ནས་བདག་བདག་གི་སངས་རྒྱས་ཀྱི་ཞིང་དུ་གཤེགས་སོ། །དེ་ནས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོ་འདི་སྙམ་དུ་དགོངས་ཏེ། གང་བདག་གིས་འཇམ་དཔལ་གཞོན་ནུར་གྱུར་པ་སངས་རྒྱས་ཀྱི་ཞིང་འདིར་འོང་
D228.063.0210a06.01བར་ལྟས་ཤིག་བྱའོ་སྙམ་མོ། །དེ་ནས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོས་བྱིན་གྱི་རླབས་སྔ་མ་དེ་བཏང་སྟེ། ཕྱག་གཡས་པའི་མཐིལ་ནས་འོད་ཟེར་གསེར་གྱི་ཁ་དོག་ལྟ་བུ་ཕྱུང་སྟེ། འོད་དེ་ཅི་ནས་ཀྱང་འཇམ་དཔལ་གཞོན་ནུར་གྱུར་པའི་ལུས་ལ་ཕོག་ནས་
D228.063.0210a07.01