完整藏文原文 · 德格版页 当前仅加载第 63 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
སྙེད་དག་ཀྱང་འཕང་དུ་སོར་བཞི་ཙམ་དུ་གྱུར་ཏོ། །དེ་ནས་བཅོམ་ལྡན་འདས་གདན་ལས་བཞེངས་ཏེ། དབང་པོའི་བྲག་གི་ཕུག་ཏུ་གཤེགས་སོ། །བཅོམ་ལྡན་འདས་གཤེགས་ནས་སིལ་སྙན་ཐམས་ཅད་ཀྱང་མ་དཀྲོལ་བར་སྒྲ་བྱུང་ངོ་། །མེ་ཏོག་གི་ཆར་དག་ཀྱང་བབ་སྟེ། མེ་ཏོག་གི་ཆར་དེ་དག་
D228.063.0194b01.01གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཁྱབ་པར་གྱུར་ཏོ། །དེ་ནས་བཅོམ་ལྡན་འདས་དབང་པོའི་བྲག་གི་ཕུག་ཏུ་གཤེགས་ནས་སྐྱིལ་མོ་ཀྲུང་བཅས་ཏེ་སྐུ་དྲང་པོར་བསྲངས་ནས་དྲན་པ་མངོན་པར་བཞག་སྟེ་བཞུགས་སོ། །ཡང་དེའི་ཚེ་ན་བཅོམ་ལྡན་འདས་ཀྱིས་དབང་པོའི་བྲག་གི་
D228.063.0194b02.01ཕུག་བཻ་དཱུརྱ་ལས་བྱས་པ་ལྟ་བུར་གྱུར་པ་དེ་འདྲ་བའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་བྱས་སོ། །ཡང་དེའི་ཚེ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་སངས་རྒྱས་ཀྱིས་འདུལ་བ། དགེ་བའི་རྩ་བ་ཡོངས་སུ་སྨིན་པ་དེ་དག་གིས་དབང་པོའི་བྲག་གི་ཕུག་ན་དེ་བཞིན་
D228.063.0194b03.01གཤེགས་པ་བཞུགས་པ་མཐོང་བ་ནི་འདི་ལྟ་སྟེ། མེ་ལོང་ཡོངས་སུ་དག་པའི་ནང་དུ་བཞིན་སྣང་བ་དེ་བཞིན་དུ་སེམས་ཅན་དེ་དག་གིས་དེ་བཞིན་གཤེགས་པ་མཐོང་ངོ་། །ཡང་དེའི་ཚེ་ན་བཅོམ་ལྡན་འདས་ཀྱི་ཕྱག་གཡས་པའི་མཐིལ་ནས་འོད་ཟེར་བརྒྱ་སྟོང་དག་བཏང་སྟེ། འོད་ཟེར་དེ་དག་
D228.063.0194b04.01གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སྣང་བར་གྱུར་ནས་ཉི་མ་དང་ཟླ་བ་སེམས་ཅན་དག་གིས་མིག་གིས་མཐོང་བར་གྱུར་ཏོ། །ཡང་དེའི་ཚེ་ན་སེམས་ཅན་ཐམས་ཅད་འདོད་ཆགས་ཀྱི་གནོད་པ་མེད། ཞེ་སྡང་མེད། གཏི་མུག་མེད། ང་རྒྱལ་མེད། གནོང་འཆབ་
D228.063.0194b05.01པ་མེད། ཕྲག་དོག་མེད། སེར་སྣ་མེད། ཁྲོ་བ་མེད། ཐ་བ་མེད། གནོད་སེམས་མེད་དེ། དེའི་ཚེ་སེམས་ཅན་ཐམས་ཅད་ཀྱང་བྱམས་པའི་སེམས་དང་ལྡན་ཞིང་ཕ་དང་མར་འདུ་ཤེས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་གནས་མེད་པ་ལྷུན་གྱིས་གྲུབ་པ། ནམ་
D228.063.0194b06.01མཁའི་རང་བཞིན་མཚན་མ་མེད་པ་སྤྱོད་པ་དང་ལྡན་པ་ཞེས་བྱ་བའི་ཏིང་ངེ་འཛིན་ལ་མཉམ་པར་བཞག་གོ། །བཅོམ་ལྡན་འདས་ཀྱིས་ཏིང་ངེ་འཛིན་དེ་ལས་མཉམ་པར་བཞག་མ་ཐག་ཏུ། དེ་ནས་དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་སོ། །དེ་ནས་སྟོང་གསུམ་
D228.063.0194b07.01