完整藏文原文 · 德格版页 当前仅加载第 63 函德格 220a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལ་བཀའ་སྩལ་པ། རིགས་ཀྱི་བུ་ཁྱོད་ཀྱིས་སྲིང་མོ་འདི་ཏིང་ངེ་འཛིན་འདི་ལས་སློང་ཤིག །གསོལ་པ། བཅོམ་ལྡན་འདས་བདག་ནི་སྤྱི་བརྟོལ་བགྱིད་པའི་རྔོ་མི་ཐོགས་ཏེ། དེ་བཞིན་གཤེགས་པས་ཁྱོད་ཀྱིས་དགེ་བ་ནི་བཅབ་པར་གྱིས་ཤིག་ཅེས་བཀའ་སྩལ་པས་དེ་
D228.063.0220a01.01བཞིན་གཤེགས་པ་ཉིད་ཀྱིས་སྲིང་མོ་འདི་བསླང་བར་གསོལ། བཅོམ་ལྡན་འདས་བདག་གིས་ནི་སྲིང་མོ་འདི་ཏིང་ངེ་འཛིན་འདི་ལས་བསླང་བའི་རྔོ་ཡང་ཐོགས་མོད་ཀྱི་དེ་བཞིན་གཤེགས་པ་དག་ཆོས་ཐམས་ཅད་ཤེས་པ་དང་སྟོན་པ་ལ་མཁས་པ་ལགས་ཀྱིས་དེ་བཞིན་གཤེགས་པ་ཉིད་ཀྱིས་
D228.063.0220a02.01སྲིང་མོ་འདི་བསླང་བར་གསོལ། དེ་ནས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོས་ཏིང་ངེ་འཛིན་གྱི་སེམས་ལས་ལྡང་བྱེད་ཅེས་བྱ་བའི་ཏིང་ངེ་འཛིན་ལ་མཉམ་པར་བཞག་ནས་དེ་བཞིན་གཤེགས་པས་མཉམ་པར་བཞག་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་
D228.063.0220a03.01ན་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། བྱང་ཆུབ་སེམས་དཔའ་མཉམ་པར་གཞོག་པ་ཇི་སྙེད་ཡོད་པ་དེ་དག་ཐམས་ཅད་ལངས་པར་གྱུར་ཏོ། །སྲིང་མོ་དེ་ཡང་ཏིང་ངེ་འཛིན་དེ་ལས་ལངས་པར་གྱུར་ཏེ་ལངས་ནས་ས་ཆེན་པོ་རྣམ་པ་དྲུག་ཏུ་གཡོ་བར་བྱས་ཏེ་སྟེང་གི་བར་སྣང་ལ་འདུག་གོ།
D228.063.0220a04.01ཡང་དེའི་ཚེ་ལྷའི་བུ་བརྒྱ་སྟོང་ཕྲག་དུ་མ་དག་འདུས་པར་གྱུར་ཏོ། །དེ་ནས་སྲིང་མོ་དེ་སྟེང་གི་བར་སྣང་ལ་འདུག་པ་དེས་མེ་ཏོག་ཨུད་པ་ལ་དང་། ཀུ་མུ་ད་དང་། པུན་ད་རི་ཀས་དེ་བཞིན་གཤེགས་པའི་སྐུ་ལ་གཏོར་ཏོ། །དེ་ནས་འཇམ་དཔལ་གཞོན་ནུར་གྱུར་པས་སྲིང་མོ་ཐེ་ཚོམ་སེལ་བ་ལ་འདི་
D228.063.0220a05.01སྐད་ཅེས་སྨྲས་སོ། །སྲིང་མོ་ཁྱོད་དེ་འདྲ་བའི་ཏིང་ངེ་འཛིན་ཞི་བ་ཐོབ་པ་ངོ་མཚར་ཏོ། །སྨྲས་པ། འཇམ་དཔལ་དེ་སྐད་མ་གསུང་རྣམ་པར་རྟོག་པ་ལ་མ་སྤྱོད་ཅིག །བདག་ནི་ཞི་བའི་ཏིང་ངེ་འཛིན་ཐོབ་པ་མ་ལགས་སོ། །དེ་ཅིའི་ཕྱིར་ཞེ་ན། སངས་རྒྱས་བཅོམ་ལྡན་འདས་ཀྱི་བྱང་ཆུབ་ནི་མ་ཐོབ་པས་
D228.063.0220a06.01བསྐྱེད་པའོ། །འཇམ་དཔལ་གང་ན་ཐོབ་པ་ཡོད་པ་དེ་ན་ནི་དམིགས་པ་ཡང་ཡོད་དོ། །འཇམ་དཔལ་ཆོས་ཐམས་ཅད་ནི་ཞི་བ་རབ་ཏུ་ཞི་བ་ཉེ་བར་ཞི་བ་སྟེ་ཞི་བ་ནི་ཞི་བར་མི་བྱའོ། །ཞི་བ་ནི་མཉམ་པར་ཡང་མི་གཞོག་ལྡང་བར་ཡང་མི་བྱེད་དོ། །སྨྲས་པ། སྲིང་མོ་དེ་བཞིན་ཏེ། ཇི་སྐད་སྨྲས་པ་བཞིན་མོད་ཀྱི་
D228.063.0220a07.01