完整藏文原文 · 德格版页 当前仅加载第 63 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
རེ་རེའི་ཕྱིར་བསྐལ་པ་གང་གཱའི་ཀླུང་གི་བྱེ་མ་སྙེད་དུ་སེམས་ཅན་དམྱལ་བ་ཆེན་པོར་བསྒྲལ་ཀྱང་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོས་བཟོད་པར་བགྱིའོ། །ཡེ་ཤེས་ཆེན་པོ་དེ་འདྲ་བ་ཡོངས་སུ་དོར་བར་ནི་མི་བགྱིའོ། །དེ་ནས་དེ་བཞིན་གཤེགས་པ་འཇུག་སྲེད་
D228.063.0214b01.01ཀྱི་རྒྱལ་པོ་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་སྲིང་མོ་འདིས་ཇི་སྲིད་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ན་སྲིང་མོ་དེ་འདི་འདྲ་བར་ཞི་བ་དང་དམ་པའི་ཏིང་ངེ་འཛིན་ལ་མཉམ་པར་བཞག་པ་ཐོབ་པར་གྱུར།
D228.063.0214b02.01བཅོམ་ལྡན་འདས་ཀྱིས་བཀའ་སྩལ་པ། སངས་རྒྱས་བཅོམ་ལྡན་འདས་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་བསྐལ་པ་དཔག་ཏུ་མེད་པས་བསྐྱེད་པ་སྟེ། རྟག་པར་སྐྱེས་པ། ཚད་མེད་པར་སྐྱེས་པ། སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་
D228.063.0214b03.01དང་། བསམ་གཏན་དང་། ཤེས་རབ་ལས་སྐྱེས་པ་ནི་སངས་རྒྱས་བཅོམ་ལྡན་འདས་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡིན་ཏེ། འཇམ་དཔལ་སྲིང་མོ་འདི་ནི་ཡུན་རིང་པོ་ནས་སྤྱད་པ། སྔོན་གྱི་རྒྱལ་བ་ལ་བྱ་བ་བྱས་པ། དགེ་བའི་རྩ་བ་བསྐྱེད་པ་སྟེ་སྲིང་མོ་འདི་ནི་
D228.063.0214b04.01སངས་རྒྱས་བྱེ་བ་ཁྲག་ཁྲིག་བརྒྱ་ཕྲག་སྟོང་དུ་མ་ལ་བསྙེན་བཀུར་བྱས་པ་ཡིན་མོད་ཀྱི། འཇམ་དཔལ་ཁྱོད་ཀྱིས་འདི་ཏིང་ངེ་འཛིན་ལས་སློང་ལ་ཡུན་ཇི་སྲིད་ནས་སྤྱོད་ཅེས་དྲིས་ཤིག་དང་། སྲིང་མོ་འདི་ཉིད་ཁྱོད་ལ་སྟོན་པར་འགྱུར་རོ།། །།བམ་པོ་གསུམ་པ་སྟེ་ཐ་མ། དེ་
D228.063.0214b05.01ནས་འཇམ་དཔལ་གཞོན་ནུར་གྱུར་པས་སྲིང་མོ་དེ་སློང་བར་འདོད་ནས་སེ་གོལ་གྱི་སྒྲ་ཐ་མལ་པ་བྱས་ཀྱང་སྲིང་མོ་དེ་ཏིང་ངེ་འཛིན་དེ་ལས་མ་ལངས་སོ། །དེ་ནས་འཇམ་དཔལ་གཞོན་ནུར་གྱུར་པས་སེ་གོལ་ཇི་ལྟ་བུས་ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པའི་སྒྲ་ཐོས་
D228.063.0214b06.01པར་འགྱུར་བ་དེ་འདྲ་བའི་སེ་གོལ་གྱི་སྒྲ་བྱས་ཀྱང་སྲིང་མོ་དེ་ཏིང་ངེ་འཛིན་དེ་ལས་མ་ལངས་སོ། །དེ་ནས་འཇམ་དཔལ་གཞོན་ནུར་གྱུར་པས་རྫུ་འཕྲུལ་མངོན་པར་འདུ་བྱ་བ་མངོན་པར་འདུས་བྱས་པ་ཇི་ལྟ་བུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལྷ་དང་མིའི་སིལ་སྙན་ཐམས་
D228.063.0214b07.01